Гэгээн хайрын баяраа тэмдэглэх гэж явсан Монголын залуу хос Турк улсад харамсалтайгаар амиа алдсан хэрэг гарч олныг сэрдхийлгэсэн билээ. Харамсалтайгаар, зуурдаар амиа алдсан Хууль зүйн сайд Д.Дорлигжавын охин Д.Сарангэрэл, MTS-ийн П.Бат-Эрдэнийн том хүү Б.Сэрээтэр нарыг одоо ч найз нөхөд нь дурссаар байна. Талийгаач Б.Сэрээтэр одоогоос гурван жилийн өмнө “Хөрөнгийн бирж”-ийн гүйцэтгэх захирал асан Х.Алтайн эхнэр Ц.Авиддарийн дүү Д.Мандаргуатай сууж байсныг хүрээнийхэн нь андахгүй. Тэдний хайрын үр жимс С.Анурка хэмээх хөөрхөн охин аав ээжийгээ салснаас хойш ээжтэйгээ амьдарч байсан юм. Албан ёсны хурим найр хийгээгүй ч хосууд Швейцарьт дурсамж дүүрэн цаг хугацааг хамтдаа өнгөрүүлж байсан гэдэг.
Нэгэн цагт хайрлаж байсан хүн нь энэ хорвоогоос одоход хэдий салсан ч гэсэн Д.Мандаргуа огт шаналаагүй гэвэл худлаа болох биз. Ямартай ч амьдралын нэгэн хүнд мөчлөг, ээдрээт үйл явдлын дараа бүсгүй олны өмнө гарч ирлээ.
Орчин цагийн “цэцэн бэр”-ийн эгнээнд явдаг Ц.Авиддарь ч дүүдээ үргэлж дэм, хань болдог үлгэр жишээ сайн эгч. Хэзээд үзэсгэлэнтэй, хотын бүсгүйчүүдийн стиль имижийг тодорхойлдог эгч дүүс энэ удаад тун дэгжин харагдаж байсан. Дэгжин бүсгүйчүүд охидоороо гоён их хотын мисс ээжүүдтэй мөр зэрэгцэн салхи татуулан алхаж байгаа мөчийг бид дурандлаа.
Эх сурвалж: www.grandnews.mn
Сэтгэгдэл (13)