Зорсон юм шиг биетэй, зурсан юм шиг төрхтэй энэ бүсгүй бол нэрт хөгжмийн зохиолч Б.Түмэнжаргал агсны охин Т.Ундармаа. Түүний Монголын загварын тайзнаа ховор харагдах өвөрмөц, содон төрх, төгс биеийн харьцаа нь олны харцыг булааж байв. Чухам хаанахын супер модель газраас ургаж, тэнгэрээс унав аа хэмээн бодож буй хүмүүст бяцхан тодруулга өгье. Ээжийнхээ хамт БНСУ-д амьдарч байсан тэрбээр эх орондоо танил бус байх нь аргагүй.
Тэрээр 2006 онд “Miss Mongolia”-д байр эзэлж, “Miss Intercontinental” тэмцээнд явж эхний аравт мөн шалгарч байсан түүхтэй. Сингапурт суурьшин олон жилийн турш загвар өмссөн модель бүсгүй хүмүүнлэгийн үйлст идэвхитэй оролцдог. Түүнийг хүүхэд насандаа хорвоог орхисон эгчийнхээ дурсгалд зориулан нэр нь олонд танил болсон “Жавхлант ирээдүй” санг үүсгэн байгуулсныг хүмүүс тэр бүр мэддэггүй. “Вальсийн хаан”-ы үзэсгэлэнт охин сангийнхаа ажлаар жилдээ нэг удаа эх орондоо ирдэг. Ийм нэгэн холын одыг ойроос харсандаа салбарынхан нь ихэд олзуурхаж байна билээ.
Эх сурвалж: www.grandnews.mn
Сэтгэгдэл (5)