Авьяас гэж алт болсон Төрийн хошой шагналт Н.Жанцанноров саяхан 22 жилийн дараа уран бүтээлийн тайлан тоглолтоороо үзэгч түмэнтэйгээ уулзлаа. 22 жилийн дараа хийж байгаа уг тоглолтыг нь Жа ноёнтны том охин, хүү хоёр нь ерөнхийлөн зохион байгуулж, үзэгчдийг угтаж авах ажилд томилогдсон байхад нь бид дурандаж амжсан юм. Жа ноёнтон гэж түүнийг авгайлж заншсан анхны эхнэрийнх нь нэршил гэж болно. Энэ дуусашгүй их авьяас билэгтэй эрхэм маань хувийн амьдрал тал дээр нэлээд адармаатай гэдгийг уншигч бүхэн андахгүй биз.
Анхны гэргийтэйгээ унаган бага насандаа ханилж “манай Жа үнэхээр ховор авьяастай сайхан хүн” хэмээн хүндэтгэж нэрийг нь хүртэл бүтнээр нь хэлэхийг цээрлэсэн энгийн нэгэн нягтлан бодогч бүсгүй бий. Түүнээс хойш Жа ноёнтонг дараа дараагийн гэргий нар нь нэрийг нь бүтэн дуудаж зүрхлээгүй гэдэг шүү. Жа л гэж дууддаг гэсэн. Тэгвэл Жа ноёнтны залуу гэргий тус тоглолтонд тун нууцлаг нүүр нүдээ нууж ирсэн юм. Баглаа дүүрэн цэцэг барьж ирэх юм бодсон чинь нилээд хоцорч ирэх ирэхдээ нүүр царайгаа нууж ирсэн нь олны анхааралыг татаад авсан. Жа ноёнтонд хэнз охины зулай үнэрлүүлсэн энэ бүсгүйтэй анх ҮДБЭЧ-д хөгжимчнөөр ажиллаж байхад танилцсан гэдэг.
Отгон эхнэрийнх нь нэр нь хүртэл сонирхол татахуйц Отгонтуяа гэдэг. Өдгөө ХБК-д багшлахын зэрэгцээ гадаад иргэдэд тусгайлан хөгжим заадаг энэ бүсгүй хөөрхөн бизнес эрхэлдэг гэж сонсогдсон. Ямартай ч Жа ноёнтонд цэцгийн баглаагүй ирсэн отгон гэргий Отгонтуяагаасаа өрх тусгаарласан гэх яриа түүний үйлдлээс нь батлагдах мэт. Хувийн амьдрал гэхээсээ илүүтэй хувьсгалын ажил болох олон арван хөгжмөө зохиогоод явж байх хувь тавилантай төрсөн Жа ноёнтон маань Монголын соёл урлагийн гол ноён нуруу, сүрлэг уулс нь болж яваа том орон зайтай нэгэн гэдгийг энд онцлоё.
Эх сурвалж: www.grandnews.mn
Сэтгэгдэл (9)