Тоглоом ч үгүй Н.Алтанхуягт юу л байна хүүхэд байна. Экс ерөнхий сайд маань өчигдөрхөн найм дахь хүүхдээ өлгийдөн авчээ. Хаа очиж бид Ерөнхий сайдын буянтай улс. Экс маань Эх үрсийн баяраар бяцхан охинтойгоо нялх биетэй эхнэрээ дагуулан ард түмэнтэйгээ уулзаж байв шүү. Одоогоор Н.Алтанхуяг хүүхдийнхээ тоогоор ерөнхийлөгч Ц.Элбэгдоржтой үзэлцэхээр болж. Гэхдээ өргөж аваагүй, яг байгалийн жамаар нь процесс явагдсаныг онцлох хэрэгтэй.
Цөөхөн хүүхэдтэй байхыг илүүд үзэх болсон нийгэмд Н.Алтанхуяг аргагүй супер гэр бүлийг цогцлоож чадлаа. Түүний гэргий Сэлэнгээ ханьдаа нэг охинтой ирсэн бол өдгөө 3 сайхан гүнж төрүүлж өгөөд байна. Энд тэнд очиж үр суулгуулж, төсвийн мөнгөөр хүүхэд “захиалахгүй” жам ёсоороо төрж чадаж байгаа нь ч бас орчин цагт том аз завшаан. Улстөрд хийхээ хийж хүрэх тавцандаа хүрээд одоо түр стоп кран татаад буй Н.Алтанхуяг гэрээ сайхан төвхнүүлээд буцаад төрөө засах үйл хэрэгт хувь нэмрээ оруулах биз ээ.
Эх сурвалж: www.grandnews.mn
Д.Сэргэлэн
Сэтгэгдэл (12)