МУГЖ Б.Сарантуяа, МУГЖ Т.Ариунаа нар мөнхийн өрсөлдөгч нарын тоонд зүй ёсоор ордог дуучид. Мөнхийн өрсөлдөгчид гэхээр бие биетэйгээ өрсөлдөж, тэмцэлдэх биш бие биенийгээ хурцалж, бие биенийгээ дэмжиж ирсэн гэж ойлгож болох юм. Рок попын ертөнцөд Сараа, Ариунаа нарын амьдрал, уран бүтээл бүхий л зүйлүүдийг нь харьцуулж, тэнцүүлж ирсэн хүмүүс бол тэдний үнэнч фэнүүд нь.
Өмсөж зүүсэн, биеэ авч яваа байдал үргэлж олны анхаарлын төвд байдаг хоёр хатагтай ахмад уран бүтээлчдийн эгнээнд шилжсэн гэлээ томоохон хурим найр, үйл ажиллагаанд жинтэй хэдэн дуугаа дуулчихаад буцдаг тэд хамгийн сүүлд өөр өөр хуриманд дуулчихаад буцаж явахдаа манай дуранд өртсөн юм. МУГЖ Б.Сарантуяа сүүлийн үед жиндээ ихээхэн анхаарсан нь тодорхой байна. Нас дөч гарсан хэрнээ улам өнгө жавхаа нэмээд байгаа Сараа авхай яаж жингээ барьж, турсан бол хэмээн ойр тойрныхон бүсгүйчүүд шивэр авир хийж байж юм. Харин МУГЖ Т.Ариунаа хатагтайн хувийн амьдралд ихээхэн өөрчлөлт гарч нөхөр нь аавын хаалга татаж өөрөө хөлөө хугалаад их л гундуухан байгаа. Хөл нь хугарсан ч гэлээ угаас цог жавхаатай Ариунаа хурим найр бүү хэл хөдөө орон нутагт хүртэл урилгаар ая дуугаа өргөсөөр яваа гэнэ лээ.
Ийнхүү рок попын ертөнцөд томоохон орон зайг эзэлдэг хоёр хатагтайн хөвгүүд нэг сургаальд сурдаг юм гээч. Саяхан алдартай ээж нараараа хөтлүүлж сургуулийн босго алхаж явсан тэд өдгөө ээж нарыгаа өргөөд явчих том эрчүүд болсон байна шүү. Үүнээс хараад рок попын загалмайлсан хатагтай нарын аль хөвгүүн нь түрүүлж хуримын зар дуулгаж, эмээ болгох бол гэдэг бодол зурсхийнэ орж ирсэн шүү. Тэд “Орчлон” дунд сургуулийн ахлах ангийн сурагчид болжээ.
Эх сурвалж: www.grandnews.mn
Сэтгэгдэл (3)