Хошин урлагийн жүжигчин бүсгүйчүүд бие биенээ шалзалсан дуулиан дэгдсэн тэр өдрөөс хойш даруй нэг жил өнгөрчээ. Өнгөрсөн жилийн дөрөвдүгээр сарын 27-ны өдөр энэхүү хэрэг гарсан билээ. Жүжигчин Д.Оюунтуул 18 хувийн түлэгдэлттэй, харахаас нүд халтирам болоод байсан. Гэрлэж бараалаагүй, үр хүүхэдгүй бүсгүй хүний хувьд энэ явдал амьдралд нь гүн гүнзгий ул мөр үлдээсэн гэж хэлж болно.
Ямартай ч Солонгос руу эмчилгээнд явж, бүтэн жил эмнэлгээс салаагүйн хүчинд тэр эргэн олны өмнө гарч ирлээ. Урдын адил өндөр өсгийтөө өмсөн, нүүрээ будаж үс зүсээ янзлан уран бүтээлч нөхөдтэйгөө хөл нийлүүлэн алхах энэ өдрийг тэр тэсэн ядаан хүлээсэн биз ээ. Залуу хүн тулдаа л хурдан сэхэл авсан байх. Гэвчиг хүний амьдралд нэг хором ч үнэ цэнтэй байхад бүтэн жил эмнэлгээр явна гэдэг хүсэх юм биш. Урлагтаа эргэн ирсэн түүнийг уран бүтээлч нөхөд нь халуун дотноор угтан авсан. Одоо дахин хөдөлмөрлөх л үлдлээ, Оюунтуул аа!
Эх сурвалж: www.grandnews.mn
Сэтгэгдэл (9)