Үзэгчдийн хамгийн дуртай киноны жагсаалтанд дээгүүр бичигдэх “Би чамд хайртай” киноны Үрэлээгийн дүрийг бүтээсэн С.Пүрэвмаа од охин байлаа. Амьдрал дээр Баяраа, Дэлгэр хоёр хоёулаа түүнд сайн байсан гэдэг. Таван хүүхдийн ээж, өнөр бүлийн эзэгтэй болсон тэрбээр “Би чамд хайртай 2” кинонд тоглоход үзэгчид талархан угтсан. Аливаа уран бүтээлийн анхны хувилбар хамгийн сайн байдаг тул тус кино үзэгчдийн сэтгэлд хүрээгүй. С.Пүрэвмаа ч тун дурамжхан тоглосон тухайгаа ний нуугүй ярьсан. “Өөрсдийн ашиг сонирхлыг нэгт тавьсан учир миний дүрийг хэрэглэх төдий л кино болсон.
Киноны цаана багт эдийн засгийн сонирхолтой, од болох хүсэлтэй хүмүүс байсан. Б.Баатар миний харж байгаа таван нүүдлийн цаадахыг мэдсэнгүй. Би кинонд тоглож байхдаа урам хугарсан, хэлсэн амандаа хүрч чадаагүй тэнэглэлийг нь уучилж зураг авалтыг дуусгасан. Өнөөдөр тийм өчүүхэн тулга тойрсон дүр бүтээж, Ч.Ундрал, Д.Болдын өмнө уйлаад зогсдог ээж би биш” гэж киноны дараа ярьсан. Дургүйд хүчгүй гэгчээр кино зураг авалтын турш С.Пүрэвмаа Б.Баатарыг ганц сайн хашрааж, хоцорч, хэлснээр нь тоглохгүй гөжих гэгчээр ёстой үгийг нь хэлүүлсэн байна. Уг нь С.Пүрэвмаад мөнгө чухал биш сайн уран бүтээл байвал нэг төгрөг ч авахгүй гэж санаагаа тодорхой илэрхийлсэн аж. Ногоон хоолтон, загвар зохион бүтээгч бүсгүйн нэг хувцас нь л 500-1 сая төгрөгийн үнэтэй байдаг тул эдийн засгийн сонирхол түүнд байсангүй. Ямартай ч зөрүүд С.Пүрэвмаа залуу найруулагчийн дургүйг хүргэсэн ч хойшдоо бодууштай ухаарал өгсөн биз ээ.
Эх сурвалж: www.grandnews.mn
Сэтгэгдэл (16)