Нарийн яривал хамгийн олон гүнжтэй салбар нь загварын ертөнц, рок поп ч биш нийтийн дууны ертөнц шүү дээ. Энэ салбарт байсгээд л шинэ гүнж тодорно, шинэ бүсгүй гарч ирэн эрчүүдийн зүрхийг булиглуулна. Ямартай ч эрэмбэ яривал Р.Дэлгэрмаа “Гуравдугаар гүнж” бололтой.
Түүний өмнө Т.Баясгалан, Г.Эрдэнэтунгалаг нар энэ нэрээр цоллуулж байсан. Гуравдугаар гүнж маань эргэлдсэн алаг нүд, өхөөрдөм дэлдэн чихээрээ олонд амархан нүдлэгдсэн. Хамтдаа дуулж 7 цомог, 4 тоглолт хийсэн Д.Хишигбаяртайгаа амьдралаа холбосон тэрбээр ямартай ч өнгөтэй өөдтэй яваа.
Цагаа тулбал, хувь тавилан үнэхээр байдаг гэвэл тэд нэг гэрт амьдрахаас гарцаагүй хүмүүс байж. Бусад хослон дуулагсдыг ард түмэн суулгах гээд суулгах гээд барахгүй байхад тэд чимээгүйхэн дотноссон байсан шүү. Хоёулаа “бондойчихоод” бусад дуэтүүдээс тун даруу төлөв төрхтэй, сенсаацид бага өртдөг тэд тэрүүхэндээ л адал явдалтай амьдралаа эхлүүлэв. Тогтвортой байдлаа өдий хүртэл хадгалж дундаасаа хөөрхөн хүүхэдтэй болсон тэд нарийн яривал нийтийн дууны хосууд дундаа “цэвэрхэн” хүмүүс.
Эх сурвалж;Grandnews.mn
Сэтгэгдэл (31)