Уртын дууны эгч дүү гурван цэцгийг манайхан андахгүй мэднэ. “Өнөр бүл”-ийн Цэрмаагийн дүрээр олонд танил Чулуунчимэг гавьяат хоёр дүүгээ энэ салбарт уруу татсан "буруутай". Тэгвэл ах дүү уртын дуучийг энэ удаад танилцуулъя.
Усны дусал мэт адилхан Ч.Батмэнд, Ч.Батболд нар. Чуулгын ганц урдаа барих уртын дуучин Ч.Батмэндийг дуучин С.Цогтсайхантай хамтран нэг хэсэг нийтийн дуунд түрлэг нэмсэн учраас хүмүүс бас ч гэж мэднэ. Ванкуверийн өвлийн олимпийг уртын дуугаар нээж явсан түүний төрсөн дүү Ч.Батболд ахаасаа дутахгүй мэргэжлийн талдаа илүүрхэхээр дуучин хэмээн хүрээнийхэн нь ам сайтай байдаг. СУИС-ийн уртын дууны багш тэрээр хааяахан хүндтэй том арга хэмжээнд уригдаж, сүрлэг хийморилог уртын дуугаар жавар үргээдэг үнэ цэнэ ихтэй уран бүтээлч.
Эх сурвалж: www.grandnews.mn
Сэтгэгдэл (1)