Цагтаа ардын дууг уянгалуулан дуулж хамтлагаа “Шуранхай” хэмээн нэрлэж уран бүтээлээ туурвиж явсан адтай, одтой гурван бүсгүйг хүмүүс сайн дуучид, сайхан бүсгүйчүүд гэж магтсааар ирсэн билээ. Үүнтэй маргах ч хэрэггүй биз. Тэгвэл “Шуранхай” хамтлагаараа олон уран бүтээлийн ард гарч, урлагийн ертөнцөд танигдсан гурван бүсгүйн замнал тал тал тийш тарж, хувийн амьдралаа хөөцөлдөж хамтлаг гэх нэрийдэл байхгүй болсон. Өдгөө гурван бүсгүй хувь хувийнхаа амьдралаа төвхнүүлээд амжсан урлагийн салбартаа ч үнэнчээр зүтгэж шуранхайлсаар яваа.
Б.Номин-Эрдэнэ: Тус хамтлагийн ахлагч Б.Номин-Эрдэнэ нөгөө хоёроосоо хавьгүй хожуу амьдрал зохиосон түүхтэй. Тэрээр балетчин Х.Одсүрэнтэй хамтын амьдрал зохиож, үерхэж байсан ч тэд удалгүй салцгаасан. Хайр дурлалын асуудалд тйим ч явцтай байдаггүй дуучин бүсгүй хоёр жилийн өмнө жинхэнэ хайртайгаа учирч, бяцхан охинтой болсон. Түүний халамжит эр нөхөр нь Э.Түвшинжаргал хэмээх өвөрмонгол залуу бий. Хосуудын тухай “харийн хүнээс өөр ханилан суух залуу олдоогүй л юм байх даа” гэх олны хэл ам жиг жуг хийцгээж байсан нь саяхан.
Г.Эрдэнэчимэг: Хамтлагийн хоёр дахь гишүүн дуучин Г.Эрдэнэчимэг гэр бүл зохиож хувийн амьдралаа зохицуулан урлаг, уран бүтээлээсээ нилээдгүй хөндийрсөн. Уран бүтээлийнхнь тал дээр туслаж дэмжиж, ахын харьцаагаар зөвлөж байсан МУГЖ С.Жавхлантай нэг гэрт толгой холбож тун чиг жаргалтай амьдарч байгаа. Гэр бүл болсноосоо хойш хань ижилтэйгээ нийлэн “Хар хархан харц” хэмээх дууг уянгалуулан дуулж, ард түмэндээ бэлэг барьсан. Тус клипэндээ өөрсдийн хүүхдүүдээ тоглуулсан нь хүмүүсийн сэтгэлд нь илүү хүрсэн байж магад. Хэсэгтээ л монголчууд “Хар хархан харц”-аар амьсгалж хосуудыг ихэд таалсан. Монгол ёс уламжлалаа алдахгүйг хичээж яваа С.Жавхлан сүүлийн үед гэргийтэйгээ нийлэн үндэсний уламжлал харуулсан гоёлоор гоёж хаана ч очсон байнга өмсөж олны жишигт бас нийцээд байгаа. Дуучин бүсгүй гурван хүүхдийн эх бодоод амжсан, айл гэрийн сайн эзэгтэй. Цагтаа миссийн титэм зүүж байсан үзэсгэлэнтэй, чадалтай хоолойтой сайхан бүсгүйг харсан хүмүүс мисс болж байсан гэхэд итгэмээргүй болж өөрчлөгдсөн.
Д.Үүрийнтуяа: Хамтлагийн хамгийн цоглог, чадварлаг хоолойтой, бусдаас дутахааргүй өөгүй царайтай нэгэн бол дуучин Д.Үүрийнтуяа. Дуу хуурын өлгий нутаг Дундговь аймгаас төрөн гарсан олон сайхан дуучид бий. Тэдний нэг нь яах аргагүй Д.Үүрийнтуяа. Адилхан урлагийн төлөө гэсэн сэтгэлтэй дуучин залуутай хайр сэтгэлийн холбоотой болж хоёр жилийн өмнө хуримласан. Түүний нөхөр нь уртын дууг амилуулж чаддаг, нэр хүндтэй чадварлаг уртын дуучин Д.Жавхаасайхан. Хосууд оюутан ахуй насандаа СУИС-д хамт суралцаж, хайр сэтгэлийн нандин холбоогоо ч энэ л цагаас одоо хүртэл хадгалсаар иржээ. Уран бүтээлийн хувьд бие даасан тоглолт хийсэн, хэд хэдэн уран бүтээл дээр ч хамтраад амжсан хоёр. Хамтлагийнхаа хоёр гишүүнийг бодвол тун чиг сайхан биеэ авч явж байгаа, дуугаа ч дуулж гунхсаар яваа Д.Үүрийнтуяад өөлөх юм алга.
Харин гэр бүлтэй болсноосоо хойш өөх тосонд хутгалдаж, гэрийн эзэгтэйн үүрэгт ажилд нухлагдсан уу гэмээр өнөөх хоёр нь анх хамтлаг байгуулж дуулж ирсэн цаг нь одоо байгаа төрхөөсөө тэс өөр харагдаж байгаа нь илт. Ямартай ч олны нүдэнд илхэн байдаг гурван бүсгүйн замнал гурван өөр зүгт гурван өөр зорилго туулсаар л ...
Л.Намуун
Сэтгэгдэл (10)