Ёстой цэл залуугаараа Төрийн соёрхол хүртчихсэн Д.Болдод үүнээс цааш явах газар үгүй мэт. Шагналыг ер нь залуугаараа авах дэмий золиг ч юмуу, бүү мэд. Тэглээ гээд би л нэг Төрийн соёрхолт хүн гэсэн шиг дээлийн хормой өшигчөөд үсээ ургуулаад гүйлтэй биш. Ер нь шагналын дараа өөрчлөгдөх үү, эс өөрчлөгдөх үү гэж энэ мундагчууд лав тархиа гашилгадаг байх. Тэгвэл үе үе үнэ цохиж хийсэн даацтай клип, уран бүтээлээр мэндчилдэг залуу Төрийн соёрхолт маань монголын үрсийг маш олон болгох үйлст сэтгэл харамгүй зүтгэж яваа.
Нэг охин, хоёр хүүтэй эднийх дахин шинэ хүнээ өлгийдөн авахаар сэтгэл догдлон хүлээж байна. Уран нугараач эгч дүүсийн нэг Ж.Бямбажав 4 дэх хүүхдээ нөхөртөө эрхлэн нялхамсанхан тээж байна. Удахгүй “Алдарт эх”-ийн одон зүүх гэргийдээ Төрийн соёрхолт ихэд халамж тавин ижил өнгийн хувцасаар хүртэл гангарсан байна шүү. Шинэхэн хосууд л хийдэг халуун дотно энэ хэв маяг тэдний харилцаа одоо ч зүү орох зайгүй буйг илтгэх мэт. Романтик Д.Болд гэргийдээ энэ мэт сюрприз ёстой барьж өгч байх шигээ.
Эх сурвалж: www.grandnews.mn
Сэтгэгдэл (3)