"Монсоник”-ийн Н.Баярхүүгийн охин Б.Баярмаа зөвхөн сайхан хувцас өмсдөг "гол" биш гэдгээ харууллаа. Түүний загварын авьяас монголчуудыг төдийгүй дэлхийг гайхуулаад буй. “Монгол банк”-ны гэх тодотголтой О.Чулуунбатын бэр тэрбээр АНУ-д болох “Бенз” шоунд оролцсоноор загварын өндөр мэдрэмжээ баталсан. Хэдийгээр манайд чадварлаг дизайнерууд олон авч хэдэн хувцасаа үүрээд хаа холдож чадах билээ.
Мэдээж авьяасыг хөдөлгөгч гол хүч бол мөнгө, эрх мэдэл, гадаад хэлний мэдлэг чухал юм. Харин бэлтэй айлын хүүхэд ийм өндөр мэдрэмжтэй байхад дэлхийд гарах тийм ч том асуудал биш аж. Холливудад хөл тавьсан жүжигчин Б.Амарсайханд эхнэртэйгээ ямар хувцас өмсөх тал дээр Б.Баярмаа зөвлөсөн гэдэг. Түүгээр стиль имижээ тодорхойлуулах хүсэлтэй хүмүүсийн тоо ч нэмэгдэх бололтой. Харин түүний зөвөлгөөний үнэ ханш хэр өндөр байх нь нууц хэвээр байна. Ниргэсэн хойно нь хашгирав гэгчээр болсон болоогүй, зохих зохихгүй хувцас өмсчихөөд гоочлуулж сууснаас эхнээсээ л алдаагүй хувцаслачихвал хичнээн амар. Б.Баярмаа энэ утгаараа цөөнгүй хүмүүст тус болох бололтой.
Эх сурвалж: www.grandnews.mn
Сэтгэгдэл (7)