Монгол улсын гарьд, Монгол Улсын Гавъяат тамирчин П.Сүхбат өчигдөр зуурдаар таалал төгслөө. Тэрээр 1964 онд Баянхонгор аймгийн Баян-Овоо суманд төрсөн бөгөөд үндэсний бөхөөр олон жил хичээлэн барилдахдаа ард түмний хайр хүндэтгэлийг хүлээсэн юм. Хар багаасаа Д.Адъяатөмөрийн шавь болж чөлөөт бөхөөр хичээллэж их спортод амжилт гаргах эхлэл суурь нь тавигдсан гэдэг. Тэрээр эхнэртэйгээ Налайхын арван жилд байхдаа л үерхэж явсаар гэр бүл болж, хүү, охин хоёрын эцэг эх болсон байдаг.
Түүний спортод гаргасан амжилт олон. 1982 оны үндэсний бөхийн залуучуудын улсын аварга болж, улсын "Шандас" цол авсанаар бөх сонирхогчдын танил болж, 1985 онд Сэлэнгэ аймгийн баяр наадамд тав давж аймгийн начин цол хүртэж байв. Мөн 1986 оны Дорноговь аймгийн баяр наадамд барилдан түрүүлж аймгийн арслан, 1988 оны улсын баяр наадамд зургаа давж өсөх идэр начин цолыг 24 насандаа авч байсан ирээдүйтэй бөх гэгдсэн. Дараа нь 1993 оны улсын баяр наадамд зургаа давж хуурнин шуугигч чимэг, 1994 оны улсын баяр наадамд зургаа давж хуурнин шуугигч чимгийг хоёрдохоо авчээ. Түүнд 1994 оны зургадугаар сард Монгол Улсын Ерөнхийлөгчийн зарлигаар Монгол Улсын гарьд цолыг нөхөн олгосон байна.
Тэр зөвхөн монголдоо төдийгүй гадаадад амжилт гаргаж байсан. Тухайлбал Гүрж , Иран улсад болдог "А" зэрэглэлийн тэмцээний мөнгө , хүрэл медаль. Дөрвөн жилд нэг удаа болдог Ази тивийн XI тоглолт 1990 онд Хятад улсад болоход аварга цол алтан медаль. 1989 , 1992 оны Ази тивийн аварга бөхөөр шалгарч байв.
Гэр бүл, төрөл төрөгсдөд гүн эмгэнэл илэрхийлье.
Эх сурвалж: Grandnews.mn
Сэтгэгдэл (4)