Ёстой таван амтай байсан ч хэлэх үггүй болгодог нийтлэлч Баабар үе үе дуугардаг. Дуугүй байж байж нэг хатуу үг хэлдэг түүнээс эмээдэг хүн ч олон байх. Саяхан тэрээр бөө нарыг ихэд миалжээ. Чухам сахиустай, тэнгэртэй хараал хийдэг гээд баргийн хүн үзмэрч, бөө хүмүүсийг оролддоггүй.
Зөрөөд гарахад л араас хар ус цацчихаж мэдэх тул айхгүй ч гэсэн аягүй л дээ. Тэгвэл Баабар тэднээс огтхон ч эмээсэнгүй. “Хөвсгөлд нинжа нар очоод уулыг нь ухаад сүйтгээд байхаар нь бөө нар нь очиж бөөлөөд ... Сүүлдээ нөгөө бөө нар нь өөрсдөө алт ухаад ...” гэж ирээд телевизээр ярьсан байна. Инээдтэй ч гэмээр эмгэнэлтэй ч гэмээр энэ бол бидний амьдралд байгаа асуудал. Хамгийн айхтар хүчтэй бөө нараараа алдартай Хөвсгөлчүүд нэрт нийтлэлчийг ингэж хэлснийх нь төлөө “зуух” вий гэж түүний фэнүүд ихэд эмээж байна гэнэ шүү.
Эх сурвалж:Grandnews.mn
Сэтгэгдэл (8)