Загвар өмсөгч Г.Уранцэцэг Топ модель гэх титэм, цолыг толгойдоо нэр төртэйгээр зүүсэн цорын ганц эмэгтэй гэж болно. Биеийн харьцаа, өндөр, техник зэргээр түүнийг гүйцэх топ модель Монголд байхгүй. Яг үүн шигээ тэр тун ч характертай фигур. Загвар өмсөгч гэхээр бүлтгэр нүдтэй, хөөрхөн царайтай байх ёстой юм шиг ойлгодог манайхан түүнийг маамий эрүүтэй гэж мөн ч олон жил өөнтөглөж, шоолсон.
Эцэст нь тэр эрүүгээ шулуулах зэргээр косметик мэс хагалгаанд капитал засвар шахуу юм хийлгэж, төрөл арилжиж, гол нь үүнийгээ ил шулуухан тунхагласан. Мань эр амьтан хүний шоолсноос ч биш цаад газартайгаа гэрээ энэ тэр байгуулж, нэг талаар өөртөө хөрөнгө оруулалт, нөгөө талаар пиар хийсэн юм шиг байгаа юм. Тэгэхэд түүний эр зоригтойг амьтан хүн гайхаж, шагшиаж байсан санагдана. Тэр үнэхээр ч зоригтой бүсгүй л дээ. Жинхэнэ од шиг од байж чадаж байгаа гэх юм уу даа. За энэ ч яахав, үндсэн сэдэвтээ оръё. Цаадах чинь найз залуутай болоодохож. Найз залуу гэхээр мэдээж нэг их сонин содон сонсогдохгүй байж болно л доо. Учир нь гэвэл мань хүн хэзээний хаа сайгүй нууц болзоо олныг товолдог хүн. Тэднийх нь дунд харь цусны шонхор хамартууд байх нь ч бий. Гэхдээ энэ удаагийнх нь учир, нигууртай байж мэдэхээр гэнэ. Хэдий олон нийтийн газар явахдаа хосууд болзоот учралаа ихэд нууцалж байгаа аятай хамт явах нь бүү хэл хоёр тийш харан сууж байсан ч гэлээ эцсийн эцэст бид тэднийг учиртай хосууд болохыг олж илрүүлэн камерын овоо хараандаа хүртэл буулгаж амжсан юм.
Анхны олонд дэлгэгдсэн романсаа “Мон-Эрдэнэ”-ийн өв залгамжлагч П.Энхмөнхөөр эхлүүлж , цуу дуулиан тарьж байсан топ модель өдгөө нас сүүдэр гуч шахаж явааг ч хэлэх үү, хувийн амьдралдаа битүүхэн яарч буйгаа найз нөхөддөө аминчилж, энэ хархүүтэйгээ болж өгвөл тоонот гэрт толгой холбож, тогоотой шөлөн хошуу холбох санаатайгаа байгаагаа хэлсэн гэнэ шүү.
Эх сурвалж: www.grandnews.mn
М.Сонор
Сэтгэгдэл (14)