“Сайхныг тань харангуутаа дурласан юм. Сэтгэлийг тань танингуутаа уярсан юм” гэж хоолой нийлүүлэн хайрын харцаа ширтэлцэн байж бие биедээ дасан дурласан дуучид бол яахын аргагүй У.Далантай, С.Эрдэнэцэцэг нар. Хослон дуулах үедээ хамтын амьдралаа зохиож хэсэгтээ хайр дурлалдаа шатаж явсан тэд хослон дуулах хувьтай байсан ч хослон амьдрах хувь дутсан гэлтэй хоёр тийш болоод хорин хэдэн жил болж байна.
Хоёр тийш болсоноосоо хойш тайзнаа бүү хэл нэг үйл ажиллагаан дээр хамт үзэгдэж харагддаггүй тэд 24 жилийн дараа дахин хамтарлаа. Цаанаасаа хослон дуулах заяа төөрөгтөй хос дуучид гэвэл тэднийг гэмээр дууг амьдруулж, амилуулж чадаж байсан дуучид бол тэд. У.Далантай шинээр амьдрал зохиож хүүтэй болсон бол С.Эрдэнэцэцэг насаараа ганц бие амьдрахаар шийдсэн гэлтэй ганц бие сайхан бүсгүй хэвээр. Тэдний хайр дурлал хамтран дуулахаас эхэлж эцэс төгсгөлд нь салсан.
Гэтэл саяхнаас тэд ойр ойрхон ил далдаар уулзалдах болсон нь ойр дотныхоных нь гайхшралыг төрүүлж, эртний дурлалаа сэргээх нь үү гэж хардаж байсан ч тэд энэ удаад уран бүтээлээрээ дахин холбогдож 24 жилийн дараа хамтараад байна.
Эх сурвалж: www.grandnews.mn
Сэтгэгдэл (5)