Юун үхэх, үхэх ч завгүй ажилтай явна! гэж ярилцлага өгч байсан жүжигчин Амбий буюу Ц.Батхуяг тэнгэрийн орноо морилж, Монголын мянга мянган үнэнч фэнүүдээ уй гашууд автуулаад байгаа билээ.
Тэрээр 1969 оны гуравдугаар сарын 27-нд Дорнод аймагт мэндэлсэн бөгөөд “Шинэ үе” продакшинийг үүсгэн байгуулсан анхдагчдын нэг байсан. Хамгийн сүүлд бүтээсэн дүр нь “Танхай тээгч”, “Тютю”, “Содура” зэрэг кинонд гол болон туслах дүрүүдийг бүтээсэн юм. Хорвоод мэндлээд 45 хан наслахдаа дуурсагдах нэрээ үеийн үед мөнхлөөд явсан түүний араас гашуудагсад энэ хэд хоногт түүний гэр бүл, үр хүүхэд, анд нөхдөд гүн эмгэнэл илэрхийлсээр байна. Ирэх лхагва гаригт Амбийг хөдөөлүүлэх ба Монголын хошин урлагийн үе үеийнхэн бүгд хойдын буяны ажлыг хариуцан хийж байгаа аж. Түүний гэгээн дурсгалд зориулж хошин шогийнхон суварга бүтээлгэж байгаа ба түүний сайн найз байсан нэгэн ламтан Амбийд зориулж сүм барих гэж байгаа аж.
Энд зориуд нэгэн зүйлийг дурьдахад сошиал ертөнцийн зарим нэгэн хүмүүс арай дэндүү хүн чанаргүй увайгүй үйлдэл хийсээр байна. Ганц LIKE-ний төлөө нүдээ ухахаас ч буцахаа байсан зарим нэгэн Амбийг амид, шоудахаа боль гэх зэргээр уншигчидийг төөрөгдүүлж байгаа нь даанч харамсалтай.
Талийгаачийн өндөр настай ээжийг нь, бэлэвсэрч хоцорсон эхнэр, өнчин үлдсэн 3 сайхан үрийг нь хүндлээд энэ үйлдлүүдээ зогсоохийг анхааруулж байна.
Ум сайн амгалан болтугай.
Эх сурвалж: www.grandnews.mn
Сэтгэгдэл (25)