“Би чамд хайртай”-гийн Баяраа буюу жүжигчин Н.Бадралыг кинонд тоглосных нь дараа гудамжинд чулуу нүүлгээд зүгээр явуулдаггүй байсан гэдэг. Үрлээг жирэмслүүлж орхиод хаядаг зэвүүн залуугийн дүрийг гаргууд бүтээсэн ноён Н.Бадрал амьдрал дээрээ тун ч уян зөөлөн нэгэн. “Би чамд хайртай-2” кинонд тоглохдоо Дэлгэрийгээ л хамгийн ихээр үгүйлж санасан хэмээн нулимс цийлэгнүүлж суусан Н.Бадрал урлагаа орхиогүй яваагаар барахгүй Өвөрмонголд урилгаар багшилж буй.
“Би чамд хайртай-2”-т тоглосноосоо хойш киночдын дунд эрэлттэй жүжигчин болоод буй тэрээр хааяахан эх орондоо саатаад буцдаг. Хамгийн сонирхолтой нь жүжигчин Н.Бадралын аав, ээж нь хоёулаа урлагийн хүмүүс төдийгүй аав нь “Тунгалаг Тамир” киноны Хонгорын дүрд , харин ээж нь “Гарын таван хуруу” кинонд Шагдарт хаягддаг эмэгтэйн дүрд тоглосон жүжигчин эмэгтэй гэдгийг уншигчид маань тэр бүр мэдэхгүй болов уу. Тиймдээ ч Н.Бадрал ноёнтон урлагтаа үнэнч хэвээр үлдсэн байх.
Эх сурвалж: Grandnews.mn
М.Сонор
Сэтгэгдэл (5)