Эдийн засгийн хямралын үед хамгийн их контраст баячуул, багачуул хоёрын дунд л мэдрэгдэх юм гээч. Дээр дооргүй мөнгөний эрэлд хатаж, өвөр хоорондоо өрийн сүлжээнд орсон нийгмийн дунд давхаргынхан өвлийн хүйтэн жаварт хацар юугаа хайруулан байж атга будаа, чимх давсны төлөө чөмгөө дундартал зүтгэж байхад цаана чинь түрийвч зузаан, түнтгэр баячуудын хүүхдүүд нэмэх хэмийн дулаан ээсэн тансаг арал дээр бикини юу өмссөн шиг тарвалзаж явна.
Уул уурхай эсвэл төсөл тендерээс баяжчихсан улсууд эцэг хүү, элгэн саднаараа утаа майнаас зугтахдаа дүн өвлөөр хөхөө шувуу шиг үүрээ орхиод нисчихдэг моод дэлгэрээд удаж байгааг хэлэх үү, тун саяхан топ модель Пүүжээгээс авахуулаад “Ажнай” Д.Бат-Эрдэнийн хүү Б.Билгүүн хүртэл бултаараа бөмбөрцгийн хаана л халуун дулаан, наран шарлага, арал юутай газар байна, амарч зугаалж яваа сураг дуулдсан. Энэ удаад “Монросцветмет”-ийн хөвгүүдийн арми Тайландын Шүрэн арал гэдгээрээ алдартай Пукет арал дээр амарч зугаалсан зургаа нүүр номондоо тавьсан байх юм.
Экс гишүүн Ц.Шаравдоржийн охин Ш.Мандхай, нөхөр эрхэм гишүүн Ө.Энхтүвшингийн хүү Э.Золбоот, Монгол банкны Чукагийн охин Ч.Агиймаа, нөхөр Г.Түвдэндорж, “Монросцветмет”-ийн Бадамсүрэнгийн хүү Б.Бадрах, Б.Бүрэнжаргал, гэргий Ж.Энхмаа нар энд жаргалтай нь аргагүй патиараа татуулжээ. Багийнхнаас Азийн хатан хаан Г.Оюунгэрэл харагдахгүй байх чинь. Юутай ч утаа май, жавар салхинд балбуулсаар бөгтийн орхисон нуруу ууц тэнийх ч шиг, энэ зургийг хараад.
Эх сурвалж: Grandnews.mn
Сэтгэгдэл (18)