Олны танил болохын тулд элдэв янзын хэл аманд өртөж, ядсан бор шувуу нисгэж, сенсааци тарьж явсан дуучин А.Түмэн-Өлзий гэж нэг дуулдаг бүсгүй бий. Залуу эмэгтэй хүн бүхэнд л тохиолддог элдэв эрчүүдийн болзооны урилга, харц шидсэн харц алийг нь тэр гэхэв. Тэр бүхний хариуг нэр төрөө сэвтээхгүй, гэр бүл үймүүлэхгүй, өөрөө ч доошоо орохгүй эвтэйхнээр өгөхөөс эмэгтэй хүний боловсрол, соёлын түвшин харагддаг жамтай. Харин гагц А.Түмэн-Өлзий л тэгж чадаагүй юмдаг. Өөрт нь ханд хаяж, хайрын утгатай мессеж бичсэн хархүүгийн тэр бүхнийг дэлгэж, халуун сенсааци гэхээсээ илүү элэг хөшөөм, эрүү мултрам байдалд өөрийгөө оруулж байсан дуучин насны амрагаа сонгож, тун удахгүй анхны үрээ өлгийдөж авахаар тэсэн ядан хүлээж байгаа гэнэ шүү.
Хосууд хоёр жил гаруй хугацаанд хамтран амьдарсан бөгөөд багагүй золиос гаргаж, зовлон туулсны эцэст ийн анхны хүүхдээ өлгийдөж авах гэж байгаа юм байх. Үүнийгээ мөн л цахим хуудсаараа дамжуулан найзууддаа дуулгажээ. Тэрээр “Бид хоёр их зовлонг туулж, ихийг золиослож учирсан хоёр. Бие биедээ дэндүү хайртай болохоор сайхан амьдарна” хэмээн бичжээ. Ээ, олны анхаарлыг татаж, од шиг харагдах гэсэн арга ядсан амьтан хэмээн олон нийт тун ч дургүй байх. Нэр хугарахаар яс хугар гэж үнэн юм гээч.
Эх сурвалж: Grandnews.mn
П.Зулаа
Сэтгэгдэл (22)