Эдийн засаг хямарч дээр дооргүй бужигнаж байгаа энэ үед сөрөг хүчин болох МАН-ын үнэнч албатууд ээлж дараатайгаар хөлөө хугалж таяг тулах моодны давалгааг бий болгоод байна. Анхны шанг Төрийн хошой шагналт Н.Жанцанноров эхлүүлсэн бол МАН-ын нарийн бичгийн дарга Ж.Мөнхбат, МАН-ын Мэдээлэл, технологийн хэлтсийн дарга Б.Цогтгэрэл нар үргэлжлүүлж байна. Ээлж дараатайгаар хөлөө хугалж элдэв янзын таяг тулж моод үзүүлэх болсон эдгээр эрхмүүд ямар шалтгааны улмаас ийм байдалд хүрэх болов.
Төрийн хошой шагналт Н.Жанцанноров: Насаараа МАН-ын намын үнэнч гишүүнээр эргэлт буцалтгүй ажиллаж, амьсгалж ирсэн Н.Жанцанноров гэртээ баашилж хэвтэхийн оронд намынхаа хуралд суга таягтай ирсэн нь энэ. Үргэлж намынхаа үйл ажиллагаанд сэтгэл зүрхээ зориулж байдаг хошой шагналт маань сандал дээрээс унаж хөлөө хугалсан гэж дуулдсан.
Ж.Мөнхбат он солигдох алтан мөчид буюу “Алтан сарнай” наадамд таяг тулан байж ирсэн юм. Намын нөхөд нь нарийн бичгийн даргаа таяг тулуулах нь бүү хэл хөлийг нь газар хүргэхгүй шухуу өргөж, дэмжиж тусалж харагдсан. Найдвартай нарийн бичгийн дарга хөлөө хугалах шалтгаан спортоор хэтрүүлэн хичээллэж байгаад хөлөө гэмтээсэн сурагтай байсан.
Хэлсэн үгнээсээ болж аавынд морилж багагүй хугацааг үдсэн Б.Цоггэрэл намынхаа шадар жанжингуудын нэг. Намын дарга нараа дууриаж таяг тулсан уу, моодонд нэгдсэн үү ямартай ч таяг тулсанаар манай дуранд өртсөн байна. Үүнээс харвал МАН-ын таяг тулах моодыг дэлгэрүүлж тэр нь нэлээд хүчээ авч байгаа нь анзаарагдаж байна. Энэ ямар учир шалтгаантай гэдгийг таяг тулсан баатарууд маань өөрсдөө сайн тайлбарлах биз ээ.
Эх сурвалж: Grandnews.mn
М.Сонор
Сэтгэгдэл (11)