УИХ-ын эрхэм гишүүн Н.Номтойбаяр хэсэгтээ нам жимхэн байсны учир шалтгаан нь авгай хүүхдийнхээ асуудлаа цэгцэлж амжихгүй яваатай холбоотой бололтой. Хоёр ч эмэгтэйн нүүр үзэж гурав дахиар нь Д.Пүрэвсүрэнгийн экс амраг П.Цэгцбаатарын экс гэргий Мандхай хэмээх бүсгүйг сонгож, хэсэгтээ гэргийгээрээ гоёж, пиар хийсэн эрхэм гишүүн сурсан занг сураар боож болдоггүйн үлгэрээр бага охиныхоо ээж Мандхайгаасаа өрх тусгаарлаад багагүй хугацааг үдэж буй.
Тэгвэл сүүлийн үед алтны магнатуудыг онилдог, ард түмний мисс Д.Ариунцэцэгтэй романсдаж, олны овоо хараанд хэд хэдэн удаа өртөөд амжсан. Ямартай л хэл ам, хов живэнд дуртай улс төрийн хүрээнийхэн Н.Номтойбаяр угийн бонустай эмэгтэйд нугасгүй юм гээч хэмээх жиг жугхийх болжээ. Үүнээс инээдтэй нэгэн “бор шувуу” нисч яваа нь Н.Номтойбаяр Ц.Мянганбаярынхныг тойрон эргэлдэнэ гэх яриа. Нээрээ л бодох нь ээ, өмнөх гэргий Мандхай нь алтны магнатын анхны гэргий Пүүжээгийн экс П.Цэгцбаатарын экс, Д.Ариунцэцэг нь Ц.Мянганбаярын шууд угсааны хатан гэдэг шиг охиных нь аав, экс гэргий нь гээд бодохоор үнэний ортой ч юм шиг.
Улс төрчдийн хурц хараа, хорон үг ээ гэж.. хөөрхий. Улс төрд хамаагүй, зөвхөн МАК-ын өв залгамжлагч гэгдэж явахдаа мань эр ёстой зураг шиг охидыг тэрэг шиг дайрч, шунхан улаан залуу насыг гялтагнуулж явсан. Харин улс төрд ороод албан ёсны эхнэр ч авч, хэсэг томоожих гэж үзсэн ч угийн мөн чанарыг улс төрийн дэвжээ ч өөрчилж болохгүй юм гээч.
Хэлсэн үг нь хий багатай ч, хийж ирсэн үйлдлүүд нь хэн болохыг нь илчилдэг эрхэм гишүүн Н.Номтойбаярыг сонгогчид энэ мэт үйлдлүүдээс нь болоод итгэл алдарч эхэлсэн гэнэ лээ. Биеэ засаад гэрээ, гэрээ засаад төрөө гэдэг логикоор бол төр төвхнүүлэх нь бүү хэл гэрээ засаж амжихгүй яваа хөөрхий Н.Номтойбаяр хөөрхий. Амрагийн явдлаа зохицуулахгүй бол дараагийн сонгуульд баяртай ч гэж мэдэх нь байна шүү, эрхэм гишүүнээ!
Эх сурвалж: Grandnews.mn
М.Сонор
Сэтгэгдэл (16)