Охин Тэргэлсарангаа зодож гэмтээчихээд зугтаасан, хүүхдийн эсрэг гэмт хэрэг үйлдсэн гэх хэрэгт сэжиглэгдэн Интерполоор эрэн сурвалжлагдаж байгаа нь дуулиан шуугиан дагуулж байсан Монгол Улсын иргэн Т.Аятунгаа гэж бүсгүй нэг хэсэг хэвлэлийн хуудаснаас буудаггүй байлаа. Түүний хүүхдийн эцэг Чарльз Эдвард Эргэн гэгч нь бүх бурууг Г.Аятунгаад хамаатуулсан баримтуудыг дэлгэж байсан билээ. Тэгсэн тэр сүүлийн үед шинэ хайртайгаа учирсан гэдгээ илчлээд байсан. Тэгвэл Г.Аятунгааг одоо хүртэл Интерполоор хайсаар байгаа аж.
Тэрбээр Монголдоо ирээд “бүгчихсэн” учраас Интерполын цагдаа нар түүнийг олохгүй байгаа бололтой юм уу даа. Ямар ч байсан түүнийг одоо хүртэл хайж байгаа болоод л Интерполын цахим хуудаст түүний мэдээлэл ийн байршсан хэвээрээ байгаа биз ээ.
Сануулахад, түүний охиных нь эцэг Чарльз Эдвард Эргэн гэгчийн тухайд монголд компани байгуулахдаа нэр нөлөө бүхий эрхмүүдийн дэмжлэгийг авсан байх магадлалтай байдгийг сануулахад гэмгүй байх. Т.Аятунгаа нөхрийнхөө монгол дахь бизнесийн талаар, ер нь л нөхрийнхөө талаар юу ч мэдэхгүй гээд байсан ч, Чарльз Эдвард Эргэнийг улстөр, бизнесийнхэнтэй холбоход ихээхэн үүрэг гүйцэтгэсэн хүмүүсийн нэг нь Т.Аятунгаа өөрөө гэх мэдээлэл байсан юм. Түүний хүүхдийн эцэг Чарльз Эргэн гэгч нь УИХ-ын гишүүн О.Содбилэг, НАМЗХ-ны ерөнхийлөгч Б.Амарсанаа нартай танилын болоод ажлын шугамаар ойр болох нь баримтаар тогтоогдоод байгаа тухай мэдээллүүд байсан. Түүнчлэн Чарльз Эдвард Эргэний монголд байгуулсан “GNI Inc” компани нь хөрөнгө оруулалтын компани гэх нэрийн дор гадаадаас их хэмжээний мөнгийг Монгол руу оруулж ирдэг ч, энд ямар нэг үйлдвэрлэлд, компанид хөрөнгө оруулах бус “угаах” зорилготой байдаг гэх мэдээлэл бий. Харин энэхүү үйлдэлд нь манай нэр бүхий эрхмүүд оролцсон байх магадлалтай байгаа аж. Ер нь бол түүний монголд байгуулсан “GNI Inc” компанийн ард манай нөхдүүдээс нуугдаж байхыг үгүйсгэх аргагүй байдаг юм.
Б.Сар
Сэтгэгдэл (8)