Монголчуудын хувьд “Лондон-2012” зуны олимпийн XXX наадмын гол баатар нь У.Мөнх-Эрдэнэ байсан билээ. Түүнийг 64 кг-ын жинд хүрэл медаль хүртэхэд хэн хүнгүй ихэд баярлаж байсан. Боксын спортоор хичээллээд 16, Монгол Улсын шигшээ багт ороод 13 жил болж байхдаа тэр ийм амжилтад хүрсэн юм. Тэр өөрийнхөө амжилтын нууцыг “Бэлтгэлээ сайн хийгээд өндөр амжилт үзүүлэх, зорьсондоо хүрэх гэсэн миний сэтгэл зүрх л байх шив дээ. Бэртэл гэмтлийн улмаас зарим амжилтаа гаргаж чадаагүй тал бий. Гэхдээ миний ур чадвар өдрөөс өдөрт өсч байсан. Хэрвээ ур чадвар өсөхгүй бол энэ нь мөхөл. Миний амжилт хэсэг хугацаанд доош буулаа ч дараа нь өсөөд л явж байсан.” хэмээн ярьж байсан юм.
Тодотгоход, тэр бол гурван олимпийн наадамд оролцсон Монголын цорын ганц боксчин. 2004 оны Афины Олимпод боксын 60 кг-ын жинд, 2008 оны Бээжингийн Олимпийн 5-р байрын шагналтай. ДАШТ-ий хүрэл медальт (2009), Дэлхийн цомын мөнгөн медальт (2008), Осакад болсон 2001 оны Зүүн Азийн наадмын аварга, Дохад болсон Азийн наадмын мөнгөн медальт, Ази тивийн аварга шалгаруулах тэмцээний алт, хүрэл медальт, Чехийн Усти-над-Лабе хотод болсон олон улсын тэмцээний аварга гэхчлэн түүний амжилтуудыг дурдаад байвал их.
Тэр болгонд монголынхоо нэрийг гаргаж ирсэн боксчин маань энэхүү зураг дээр ёстой сүртэй гарсан байгаа биз. Уг нь гадуур хувцасаа л тайлах гэж яваа ч, яг л дэлж дэвэх гэж байгаа мэт харагдах юм.
Б.Сар
Сэтгэгдэл (20)