Авьяас билиг түүнд бий. Тиймээс ч тэр рок попын амьд домгуудын нэг болон та бидэнтэй хамт энэ цаг үед амьдарч яваа. Тэр бол “Харанга”-ын Лхагваа. Өнгөрсөн жилүүдэд түүний амьдралд сайн саар олон л зүйл тохиолдсон нь, олны нүдний өмнө ил шахуу байсан. Түүнийг хүндэлдэг хүмүүс алдаа юуг нь зөөллөн харж өдийг хүрсэн гэхэд болох л байх. Тиймээс түүнийг дахин бүү алдаасай гэж бодоцгоодог байх.
Тэгвэл бид “хар азарга” –ын анхны гэргийг танилцуулж байна. 90-ээд оны үед ёстой мандан бадарч байсан алдарт дуучин тэр үед залуу ч, халуун ч, царайлаг ч байлаа. Охидыг араасаа хуйлруулах шиг болдог байсан тэрбээр бүжигчин бүсгүйг ханиараа сонгосон нь н.Сугармаа хэмээх энэ хатагтай. Үндэсний телевизээр нэг хэсэг гардаг байсан “Тататунга” нэвтрүүлэгт “Харанга”-ынхан гэр бүлээрээ оролцоход сэргэлэн авхаалжтай н.Сугармаа бүсгүй асуулт бүрд түгдрэлгүй хариулж, үзэгчдийн анхаарлыг эрхгүй татаж байсныг тод санаж байна.
Ар Монголын алдарт дуучинд усны дусал мэт адилхан хүү төрүүлж өгсөн тэрбээр нэг л өдөр нөхрөөсөө өрх тусгаарлаж Япон улсыг зорьсон. Манай чадварлаг бүжигчдийн тоонд зүй ёсоор бичигддэг тэр арлын оронд мэргэжлээрээ ажиллахдаа шагшигддаг байсан гэдэг.
Бүжигчин гэдэг залуу халуун насны мэргэжил учраас н.Сугармаа хатагтай эх орондоо эргэж ирээд нэг хэсэг оюутан солилцооны төвийн гадаад харилцааны менежерээр ажиллаж байв. Харин өнөөдөр манай томчуудын тухлах болсон The Bull рестораны ерөнхий менежерээр ажиллаж байна. Өндөр боловсролтой, сэргэлэн авхаалжтай тэрбээр эцгийнхээ авьяасыг өвлөсөн ганц хүүгээ гараасаа хөтлөн ганц бие амьдарч байгаа бөгөөд хүүгээ Плехановын нэрэмжит дунд сургуульд сургаж, хойд хөршид урлагийн чиглэлээр мөн суралцуулсан.
Хүүгийнхээ аавтай төдийгүй гэргий нартай нь ойр дотно харилцаатай байдаг н.Сугармаа бүсгүй олны хараанд өртөх дургүй тун ч даруухан нэгэн.
М.Сонор
Сэтгэгдэл (13)