Мөрийтэй тоглоомонд донтсон бүлэг этгээдүүд өнгөрсөн гуравдугаар сард үйлдэл дээрээ баригдсан билээ. Тэдгээр мөрийтэй тоглоомчдын ихэнх нь эрх мэдэлтэй, олонд танигдсан хүмүүсийн хүүхдүүд байсан. Мөн Н.Номтойбаяртай хэвлэлээр дайтан олонд танигдсан “Мунзуй” Г.Нямдорж бас байсан байдаг. Цагдаагийнхан тухайн үед 16 хүнийг үйлдэл дээр нь барьсан байдаг. Тэгвэл шүүх 5 хүнд холбогдох хэргийг хэлэлцэн шийдвэрлэсэн байх юм.
Тухайн үед цагдаа нар бүгдийг нь баривчлан, хорьсон байдаг. Гэхдээ нэг их удалгүй “Мунзуй” Г.Нямдоржоос бусад нь батлан даалтанд гарч, улмаар хэргийг нь хэрэгсэхгүй болгож таарчээ. Тодотгон өгүүлэхэд, УИХ-ын гишүүн асан Х.Бадамсүрэнгийн хүү Б.Бадрах, “Люмино” хамтлагийн Баажий нарын хэдэн нөхөд хэргээс цэвэрхэн сугарч үлдэж, мөнөөх “Мунзуй” Г.Нямдорж нэг жилийн хорих ялаар шийтгүүлжээ.
Уг нь 16 хүн зэрэгцэн сууж байгаад мөрийтэй тоглож байсан нь үйлдэл дээрээ тогтоогдсон байтал яг ял зэм авах болохоор ганц хүн дээр тохдог нь хачирхалтай. Шүүх хурал болохоос өмнө олны танил болоод хөрөнгө бэлтэй хүмүүс хүүхдүүдээ нэг нэгээр нь хэргээс сугалж гаргасаар байгаад, ийн нэг хүн дээр тохохоос өөр сонголт шүүхийнхэнд үлдээгүй бололтой юм.
Экс гишүүн Х.Бадамсүрэнгийн хүү Б.Бадрахын тухайд “Азийн хатан хаан” Г.Оюунгэрэлийн нөхөр. Эцгийнхээ чихийг халууцуулж ханадаггүй тэрбээр нэг биш нэлээд олон хэргээс ийм маягаар мултарч ирсэн гэгддэг. Түүний ах Б.Бүрэнжаргал ч бараг 8 арваад жилийн өмнө О.Чулуунбатын хүү Ч.Бөрдөнбаттай хамт хар тамхины хэргээр баривчлагдан шалгагдаж байгаад гэмгүй үлдэж байсан үүх түүх бий.
Тэгэхээр Х.Бадамсүрэнгийн тухайд хөвгүүдийнхөө хууль зөрчсөн үйлдлүүдийг халхавчлан, өөгшүүлэн мулталж авч үлддэг баларсан жишгээрээ олны зэвүү дургүйг хүргэх нь ээ. Мөн “АПУ”-гийн П.Батжав ч Баажий хүүгийнхээ балагт үйлдлүүдийг баллуурдах гэж зовдог гэгддэг байсан. Тэгвэл тэр нь энэ удаа албан ёсоор баталгаажлаа. Б.Бадрах, Баажий нарын нөхдүүд эцгүүдийнхээ чихийг ч энэ янзаараа насан туршид нь халууцуулах вий...
М.Сонор
Сэтгэгдэл (4)