“Гоёл” наадмын эсрэг зогсдог загварын цуутай бүсгүйчүүдийн нэг бол Азийн хатан хаан Г.Оюунгэрэл. Дотуур хувцасны моделийн стандартыг бүрэн дүүрэн хангасан ганц загвар өмсөгч гэгддэг тэрбээр том компанийн өв залгамжлагч гэдгээрээ бусад бүсгүйчүүдээсээ ялгарч ирсэн. Тэгэхдээ нэр нөлөө бүхий эрчүүдтэй учир ургуулсан нь цөөнгүй. Хэвлэлийн хуудаснаа чамгүй бичүүлсний дараагаар “Монросцветмет”-ийн захирал, УИХ-ын гишүүн асан Х.Бадамсүрэнгийн бага хүү Б.Бадрахыг амьдралынхаа ханиар сонгосон билээ. Түүний сонголтыг гайхан хүлээж авсан хүмүүс цөөнгүй л байсан. Харин тэрбээр “Миний нүдээр түүнийг минь хар гэж би албадахгүй. Гэхдээ энэ сонголт минь зуун хувь гэдэгт итгэлтэй байна” хэмээн хайртай залуугаа олноос өмөөрсөн байдаг. Б.Бадрах нь Г.Оюунгэрэлээс 6 насаар дүү бөгөөд тэд гурван жилийн турш үерхэж байгаад гэр бүл болсон.
Тэгвэл тэдэнтэй холбоотой нэг мэдээлэл ойрын эх сурвалжаас нь гадагшилж байна. Б.Бадрах, Г.Оюунгэрэл хоёрын харилцаа өмнөх шигээ халуун дулаан байхаа больж, хоёр тийшээ гүйгээд байх болсон гэнэ. Ер нь бол Азийн хатан хааны нөхөр нэлээн дуулиан шуугианы эзэн л дээ.“Мунзуй” хочит Г.Нямдорж нарын хүмүүстэй хамт покер тоглож байгаад баригдсан, УИХ-ын гишүүн Н.Номтойбаяртай нударга зөрүүлэхээ шахсан гэхчлэн элдэв хэл аманд орж явдаг залуу. Тэгвэл энэ мэтээр хэвлэлийн хуудаснаа нэр нь гардаг хосын харилцаа хүйтэрч, ан цав үүсчээ.
Б.Сар
Сэтгэгдэл (26)