МУГЖ С.Жавхлан гэж “монгол” үнэртүүлсэн том уран бүтээлч Монголд бий. Анхлан гарч ирэхдээ хөдөөний даруухан бор хүү байсан тэрбээр нэр алдар нь түмэнд хүрэхийн хэрээр өөрийгөө “олж”, үндэсний үзлээр бүрэн “өвчилж”, бодож санаж байгаагаа хаана л бол хаана тунхаглах болсон. Хувь амьдралын тухайд “Шуранхай” хамтлагийн Г.Эрдэнэчимэгийг гэргийгээ болгож, бүр яг өөрийнхөө амьдралын хэмнэлээр тэр бүсгүйг амьдруулах болсон билээ.
Ер нь С.Жавхлан өөрөө бусдаас ялгардаг хүн болохоор тэр юм уу, түүнтэй ойр дотно холбоотой хүмүүс ч бас сонин содон зүйлс ярьцгаадаг байх юм. Юу гэхээр С.Жавхлан, Г.Эрдэнэчимэг хоёртой хамтран ажилладаг, тэдний дээл, гутал, хувцасыг урладаг О.Уранцэцэг гэх эмэгтэй онгодоо орохоор л хувцасны загвар гаргаад оёчихдог хэмээн ярьдаг аж. "Эртний монгол хийц" хэмээх үндэсний хувцасны салонтай тэрбээр загвар зохион бүтээгч мэргэжилтэй биш ч, сонирхол, хоббигоо дагаж хийгээд өдийг хүрсэн гэх. Гэхдээ яг өөрийнх нь хэлдгээр бол онгод нь л түүнийг хөтлөөд өдий зэрэгт хүргэсэн бололтой юм.
Б.Сар
Сэтгэгдэл (4)