Монголын олон миссүүд дотроос хөөрхөн сайхнаараа эхэнд эрэмбэлэгдэх бүсгүй бол Б.Бадамцэцэг. Нууцлаг бизнесмэнүүдтэй амархан хэл амаа ололцож, хэсэгхэн ч гэсэн романслаж явсан адтай бүсгүй үе тэнгийнхээ нүдэнд дулаахан залуутай жилийн дотор үерхэж , нөхөрлөөд л хуримаа хийчихсэн билээ. Азтай, адтай бүсгүйчүүд ингэдэг юм гэдгийг утгаар нь харуулж басхүү цуутай хүүхэн хуримгүй гэдэг ойлголтыг бут цохиж байна гэж л харагдсан. Насных нь ханиар сонгогдсон А.Алтаншагай МУИС-д эдийн засгийн чиглэлээр суралцдаг, Малайзад мөн суралцаж байсан залуу юм билээ. Тэгвэл хуримлаад удаагүй хостой холбоотой нэгэн мэдээлэл байна.
Тэд цуутай хурим хийсэн ч, албан ёсоор гал голомтоо бадраан тусдаа гараагүй бөгөөд, Б.Бадамцэцэгийн гэрт амьдарч байгаа аж. Ямартай ч хосууд хоёр жилийн өмнө танилцаж, жилийн өмнөөс үерхэж эхэлсэн байдаг. Тэгээд гэрлийн хурдаар шахуу, хуримын зар дуулгасан нь учиртай гэгдэж л байсан.
Одоогоос хэдхэн сарын өмнө “Хурим найр хийж гэр бүл зохиох төлөвлөгөө одоохондоо бидэнд алга. Нэг жил гэдэг багагүй хугацаа ч гэлээ бие биенийгээ сайн таних арай л болоогүй байна” хэмээн мисс бүсгүй ярилцлага өгч байсан ч “Монгол шилтгээн”-д нүнжигтэйхэн хурим хийсэн. Ойр тойрных нь охид Б.Бадамцэцэг чив чимээгүй байж байгаад бэлтэй айлын ганц хүүтэй суучих юм хэмээн шивнэлдсэнээс гадна бие давхар болсон учраас яаруу сандруу хуримлалаа гэж байсан ч, хэрэг дээрээ эсрэгээрээ бололтой.
Б.Сар
Сэтгэгдэл (21)