“Топ модель оргил нь учраас тэмүүлж байна” хэмээн ярих мисс Х.Бадамгэрэл өнгөрсөн жил шазуураа зуугаад зогсож байсан даа. Ямартаа л “Энэ жил топ модель болж чадаагүй ч цаг нь ирэхээр энэ шагнал намайг тойрохгүй” гэж байхав. “Гоёл”-оос тодорсон Топ болохын тулд Ц.Мянганбаяртай амраглах шаардлагатай болдог гэх ярианд хэрхэн ханддагийг нь асуухад “Би Ц.Мянганбаяр захирлыг хүнийх нь хувьд хүндэлдэг. Мундаг гүйлгээ ухаантай, мундаг бизнесмэн шүү дээ. Тэр хүний хувийн амьдрал надад сонин биш” хэмээж байсан.
Үгүй яахав, амьдрал зохиосон бүсгүй ингэж хэлэхээс ч яах билээ. Юутай ч тэр өөрийгөө энэ жилийн топ гэдэгт итгэлтэй байгаагаа ойр тойрныхноосоо нуухгүй байгаа гэх. “Андра модель” загварын агентлагаараа өөрийгөө овоглох болсон тэрбээр Монголын загварын ертөнцөд Бадамгэрэлийн гэх школыг бий болгоно гэсэн амбицтай. Ер нь тэр хэтийдсэн амбицтай нэгэн гэгддэг. Ямартаа л төрчихөөд долоо ч хоноогүй байхдаа трико өмсчихсөн чичрээд явж байхав дээ.
Бас болоогүй тэр улстөр ихэд сонирхдог. Өөрийгөө улстөрд орохыг үгүйсгэхгүй, харин ямар нэгэн намын харьяа биш, үзэл санаа нийлбэл намд элсэх эсэх тухай бодно энэ тэр гэж тэр өөрөө хэлж байсан. Ийм л нэг дүүрэн амбицтай бүсгүй энэ жилийн “Гоёл”-д өөрийгөө ялна гэдэгт итгэлтэй байна даа.
Б.Сар
Сэтгэгдэл (10)