“UBS” телевизийн дикторууд гэж годгоносон охид хэдэн арваар тогтохгүй шахам. Тэгвэл өнгөрсөн олон жил өнгө төрх, ур чадвараараа өөрийгөө дархлан, байр сууриа хадгалж ирсэн нэвтрүүлэгч бол Г.Оюунцэцэг.
Телевизийн нүүр царай болсон энэ сайхан бүсгүй телевизийн хүн гэж ямар байх ёстойг залуу нэвтрүүлэгчдэд үлгэрлэн, заримд нь бүр багшилж яваа. Харин хувь амьдралын тухайд өрх толгойлсон ээжийн амьдралаар сүүлийн хэдэн жилийг өнгөрөөж буй юм. Түүнтэй хэдэн жил хамтдаа амьдарсан Н.Алтанхуягийг “Бид ирлээ” нэвтрүүлгийн хөтлөгч гэдгээр нь уншигч та мэдэх биз. Тэгвэл тэрбээр нэвтрүүлэгч бүсгүйг орхин энэхүү бүсгүйтэй амьдрал холбоод нэлээд хэдэн жил болж байна.
Нэвтрүүлэгч Г.Оюунцэцэг нэгэнтээ “-Эмэгтэй хүн амьдралын ханиа маш зөв сонгох хэрэгтэй. Сайн ханьтай учирсан хүн сайхан амьдардаг жишээг бид сайхан амьдралтай олон хүнээс харж байгаа. Өрх гэрээ сайхан өөдрөг авч явна гэдэг эр хүний эрхэм үүргийн нэг гэж би боддог. Эр хүний нөмөр нөөлөг дор эмэгтэй хүн амьдардаг шүү дээ. Эр нөхөр нь муухан айлын өнгө төрх, гандуу, гундуухан харагддаг даа. Эмэгтэй хүн хань нөхрөө хэрхэн зөв сонгосноос амьдрал нь ямар явах нь шалтгаалж байдаг юм шиг... Эр хүн гэхээр буурь суурьтай, алсын бодол, холч ухаан, эрдэм боловсрол, гэр бүлээ эрхэмд тавьж чаддаг ухаалаг эрчүүдийн шинж чанар илүү бууж байна. Эр хүн ухаалаг байвал амьдралаа авч явах чадвараар илүү юм шиг санагддаг.” хэмээн ярьж байсан удаатай.
Мэдээж амьдралыг нарийвчлан төлөвлөж, бүрэн дүүрэн зураглах боломжгүй хойно тэр ийн ярьж байхдаа хань нөхрөө өөрийнхөө хамгийн зөв сонголт гэж итгэж байсан байж болох. Гэвч амьдрал, бодит нөхцөл байдал үгийг элээж, үнэнийг дэнсэлдэг хойно доо...
Б.Сар
Сэтгэгдэл (13)