Сайнаар ч, саараар ч бай хэвлэлийн баатар болох дуртай, ямар ч аргаар хамаагүй олонд танигдах хүсэлтэй хүмүүсийн тоо олширчээ. Мэдээллийн сайт, сэтгүүл, сонин, зурагт гээд хэвлэл мэдээллийн хэрэгслүүдээр бичүүлж, яриулж, хэлүүлж суух сонирхолтой баатрууд олширсон гэсэн үг. Нэг талаараа энэ нь өөрсдийгөө нийгэмд таниулах гэсэн хүсэл эрмэлзлэл нь байх. Нөгөө талаар мартагдахгүй байхыг хүссэн, хувийн амбицтай байж ч болох. Гэвч зарим нэг нь өөрсдийгөө худлаа магтуулж, дөвийлгөж, “од” болох гэж улайран зүтгэдэг болжээ. Тиймээс сайнаар ч , муугаар ч заримдаа бүр хэт хэтрүүлэгтэйгээр хэвлэлээс салдаггүй хэсэг бүлэг хүмүүсийн тухай мэдээлэл хүргэе. Хэвлэлийнхний соргог хараанд сайн дураараа өртчихөөд эргээд тэднийг “шар”-ын араас хөөцөлддөг гэж худлаа шоу хийдэг хүмүүс ч цөөнгүй болсон билээ.
Гоо үзэсгэлэнгийн охин тэнгэр гэх Э. Одгэрэл
Энэ бүсгүйн тухай мэдээлэл хаана л бол хаана бараг байнга гардаг. Сүүлдээ ч гоо үзэсгэлэнгийн охин тэнгэр гэж ирээд л бичигддэг болсон. Бас болоогүй кино ертөнцөд цахиур хагалж байгаа гэх. Тэр бүү хэл сүүлийн үеийн кино зохиолч, найруулагчид Э. Одгэрэлийг кинондоо тоглуулах гэж улайран зүтгэдэг болсон тухай мэдээлэл хэвлэлээс тасархаа болив. Гэтэл начир дээрээ энэ эмэгтэй бол жүжигчин биш. Ганц нэг кинонд тоглосон нь үнэн. Гэвч хэл ярианы өнгө нь ч тэр, биеэ авч явж байгаа байдал нь ч нэг л биш гэдгийг кино шүүмжлэгчид хэлнэ. Кино шүүмжлэгч битгий хэл айлын найман настай жаахан хүү "SBN" телевизийн олон ангит "Гэр" хэмээх кино үзэж сууснаа Э.Одгэрэлийг хараад “Энэ эгч ямар ядаргаатай ярьдаг юм бэ? Хурдан хурдан ярьчихгүй “маяглаад” байх юм гэж хэлж байсан гэдэг. Үнэхээр ч хэтэрхий сайхан хүүхэн учраас ам хэл нь эвлэх гэж бөөн юм болдог юм болов уу гэж бодогдохоор...
“Гончигдоржийн гоё бэр” гэх Энхлүүн
Энхлүүн гэх энэ эмэгтэйг загвар өмсөгч гэх. Магадгүй сонирхлоороо өмсөж байсныг үгүйсгэхгүй. Ингэж хэлж байгаагийн учир нь тэрбээр загварын ертөнцөд цойлж гарч ирсэн амжилтгүй нэгэн. Гэвч сүүлийн үед хэвлэлийн хуудаснаа олонтаа гарах болж. Бичиж бололгүй яахав, гол нь үнэн, худлыг дэнслэх хэрэгтэй. Түүнийг “Гончигдоржийн гоё бэр” гэх нэрийг өөртөө өгчээ гэж найзууд нь хошигнодог гэх. Арга ч үгүй биз зарим нэг сэтгүүлийн дугаар алгасахгүй ийн бичиж, магадгүй бичүүлж байгаа учраас тэр юм. Баттай эх сурвалжийн дуулгаснаар Энхлүүн нь ямар нэг сургууль соёл дүүргээгүй, боловсрол эзэмшээгүй нэгэн юм байна. Тэгсэн атлаа өөрийгөө “Гончигдоржийн гоё бэр” хэмээн “цоллож” бас болоогүй нөхрөө ч өөд нь татаж худлаа бичүүлдэг болж таарч байна. Уншигч та бүхэнд нэг л мэдээллийг дуулгахад Энхлүүн гэх энэ бүсгүйн хань Г.Эрдэмхишиг “Pennsylvania”-ийн “Lehany”-ийн их сургуульд суралцаагүй юм билээ. Төрсөн дүү болох Г.Төрхишиг нь уг сургуулийн дүүргэснийг ойр орчмынх нь хэлдэг юм.
“Нялх амраг” Г.Сарангэрэл
Хар тамхи хэрэглэсэн, худалдан авсан хэргээр 1.6 жилийн ял аваад байгаа Г.Сарангэрэл гэх эмэгтэй байна. Тэрбээр Х.Тэмүүжин сайдтай янаг амрагийн холбоотой байсан нь нийгэмд сенсаци болов. Хэрэв жирийн нэг ийм охин байсан бол хэн ч мэдэхгүйгээр хуулийн өмнө хариуцлагаа үүрээд ялаа эдлээд гараад ирэх байв. Гэвч энэ 19 настай эмэгтэй Х.Тэмүүжин сайдтай дотно харилцаатай байсан гэдгээ заралж хэвлэлийн баатар болоод авсан. Нэг хэсэг нь Г.Сарангэрэлийг хар тамхичин, хүмүүжил муутай замбараагүй хүүхнүүдийн нэг хэмээн бичих болж. Харин нөгөө хэсэг нь амьдрал мэдэхгүй жаахан охин, Х.Тэмүүжинг хорлох гэсэн цагдаагийн хуучин дарга нарын явуулга гэж өмгөөлж эхлэв. Ямар ч байсан санаатай, санаандгүй үл мэдэгдэх шалтгаанаар хэвлэлээр дамжуулан олны танил болж байгаа дараачийн хүн бол Г.Сарангэрэл яах аргагүй мөн юм.
Хүргэн бас од Г.Дэнзэн
ЗГХЭГ-ын дэд дарга Г.Дэнзэн албан тушаалаа ашиглан өөрийн эхнэр буюу хамтран амьдрагч Уянгын нэр дээрх 1 сая төгрөгийн дүрмийн сантай "Говь Повер" хэмээх компанид 17 тэрбум төгрөгийн тендер өгч дуулиан тарьж байв. Тэрбээр улсаас 4 тэрбум 688 сая төгрөг аваад арилсан гэх мэдээлэл бий. Энэ дуулианаар мань хүн хэвлэлийн баатар болж үлдсэн юм. Зарим нэг хэвлэл мэдээлэл нь түүнийг гэм буруугүй мэтээр бичиж байна. Харин нөгөө хэсэг нь луйварчин, хулгайч , дээрэмчин мэтээр цоллож байна. Нэг өдөр бүхний учир шалтгаан тайлагдана. Харин сайн муу мэдээллийн ачаар Г.Дэнзээнг танихгүй хүн гэж байхаа больжээ.
Б.Билэгт
Сэтгэгдэл (27)