Дархан аварга А.Сүхбатын авгай хүүхний явдалд төөрч будилсан хүмүүс учраа олохоо байсан гэж болно. Бараг өөрөө ч төөрч будилдаг болов уу гэмээр. Ямартаа л өчигдөр нэгийг нь, маргааш нөгөөг нь хөтлөн олны өмнө үзэгдэж явдаг болсон. Томоохон арга хэмжээнүүдэд анхны эхнэр Б.Баясгалангаа дагуулж ирдэг бол жижигхэн хэмжээний уулзалт буюу төрсөн өдөр хэмжээний үйл ажиллагаанд отгон хатан гэгддэг Н.Гарамхандыгаа дагуулж явдаг уламжлал бараг тогтсон янзтай.
Аваргын анхны эхнэр Б.Баясгалан өмнө нь амьдралтай байсан төдийгүй том болсон хүүтэй. Том хүүгийнх нь эцэг Улсын заан Д.Хишигдорж гэх энэ эрхэм. Нас нэлээд дээр гарсан Д.Хишигдорж заан элдэв үйл ажиллагаанд үзэгдэж харагддаггүй ч бөхийн холбооноос зохион байгуулдаг үйл ажиллагааг алгасдаггүй.
Өдгөө хоёр хүү, нэг охинтой өнөр бүлийн тэргүүн төдийгүй цагийн сайнд сэтгэл алдарч явсан Б.Баясгалангийн том хүүтэй эцэг хүүгийн нандин харилцаатай байдаг гэнэ лээ. Ийн хоёрын хоёр алдарт бөхийн гурван хүүхэд гаргасан Б.Баясгалан хатагтай өдгөө албан ёсны нөхөр А.Сүхбатынхаа хүүхний явдалд ёстой л хатан ухаан зарж амьдарч буй.
Нэгэнтээ “Миний нөхрийн генийг авч үлдэх гэсэн хүүхнүүдийг буруутгахгүй” хэмээн цочир мэдэгдэл хийж шуугиан тарьж байсан тэрбээр ёстой л хэлсэн амандаа хүрч энэ бүхэнд уужуу тайван зан гаргаж яваа юм уу даа. Б.Баясгалан нөхрөө бүү хэл нөхрийг нь булаасан охидод хүртэл хатуурхаж үл чадан амьдралын эгэл өдрүүдийг туулж яваа билээ.
Дашрамд өгүүлэхэд, түүний анхны нөхөр гэгддэг Д.Хишигдорж заан нэлээд оворжсон байдалтай байхад А.Сүхбат, Б.Баясгалан нар нүдэндээ давхараа оёулан улам залуужсан харагдаж байгаа биз. Бөхийн ертөнц, хүмүүний шуналаа гэж...
М.Сонор
Сэтгэгдэл (18)