Монголын нэрийг дэлхийн сонгодог урлагийн тавцанд өндөрт өргөж гарч ирсэн залуу гавьяат Г.Ариунбаатар авгай хүүхний асуудлаар үргэлж хормой нь ээрэгдэж явдаг. Цалгисан их авьяас, омголон залуу насны аагаар 25 хүрэхгүй насандаа 2 амьдрал үзсэн нь хувь тавилангийн шоглоом гэлтэй.
Хоёр дахь гэргийгээсээ сүр дуулиантайгаар салснаа зарлан эрх чөлөөгөө мэдэрнэ хэмээж байсан Г.Ариунбаатар авааль гэргийтэйгээ эргэн нийлжээ. Нөхрөө дарамталдаг, фэйсбүүкийг нь ухаж төнхөн чатыг нь дэлгэсэн, сайтуудад мөнгө өгч мэдээ бичүүлсэн гэгддэг бүсгүй ямартай ч амьдралаа бүтэн авч үлдэв бололтой. Г.Ариунбаатар тун удахгүй ОХУ-ыг зорих гэж байгаа бөгөөд гэр бүлийн хамт тэнд суурьшиж ч мэдэхээр таатай нөхцөл байдал, ажлын санал ирсэн сурагтай. Элэг бүтэн амьдрал энэ насны аз жаргал, эхнэр нөхөр байтугай эрүү өвдөг салдаг хорвоо тул тэд амьдралдаа нэгэн том давааг даван туулж эцэст нь хоёр биенээ сонгосон бололтой.
Д.Сэргэлэн
Сэтгэгдэл (89)