Малын хулгайчид шүүхийн хаалга татаж, аавынд морилсон жишээ олон. Тэгвэл өнөөдөр Төв аймгийн Угтаалцайдам суманд малын хулгайч нарын нээлттэй шүүх хурал болж, таслагдах юм байна.
Малын хулгайд сэжиглэгдэж буй Ц, М, Б, Б нарыг олон тооны мал хулгайлж, олон иргэнийг хохироосон гэх үндэслэлээр шүүх нь. Эдгээр хүмүүсийн дотор тус сумын мянгат малчин Ц гэгч бас шүүгдэж байгаа юм байна.
Түүнийг мянгат малчин гэх эрхэм хүндтэй цол гуншинтай хэрнээ олон тооны мал хулгайлж мянгат малчин болсон нэгэн хэмээн нутгийн иргэд нь хэлж байгаа аж.
Ер нь бол малын хулгайч нарын дунд мянгат малчин байна гэж хэний санаанд орох билээ. Тэрбээр уг хэргийг үйлдэж байхдаа газар дээрээ баригдаж ийн аавын хаалга татахад хүрээд байгаа юм байна. Иймд иргэд малаа алга болсон үед нь цаг алдалгүй цагдаагийн байгууллагад хандаж байхыг анхааруулж байна.
Б.Цэцэг
Сэтгэгдэл (4)