Мисс бүсгүйчүүдийг үргэлж өндөр өсгийт дээрээс мэндчилсэн, турьхан амьтад байдаг гэвэл орчин үед өрөөсгөл болно л гэнэ шүү. Үүний нэг тод жишээ мисс Ж.Энэрэл. Тэрбээр загварын залуу охид дунд нэлээд дээгүүр байр эзлэхээс гадна хамгийн олон рекламны санал авдаг нэгэн. Нас залуу цус шингэн ч гэлээ Ж.Энэрэлийн тоглосон реклам, алхсан тайз тун олон.
Гадаад төрхөөрөө эрлийзэрхүү хэрнээ монгол эмэгтэйн төрхтэй гэх Ж.Энэрэл маш сайн хувирч чаддаг. Яалт ч үгүй анхны багш нь Азийн хатан хаан Г.Оюунгэрэл гэсэндээ ч тэр үү, тэр бусдаас өөр. Загварын тайзнаа турьхан бүсгүй болж хувирдаг Ж.Энэрэл боксын дэвжээн дээр танигдахын аргагүй өөрчлөгддөг бас нэг чанартай. Загварын тайзнаа алхахаас гадна зав чөлөөгөөрөө боксоор хичээллэх нь Ж.Энэрэлийн хобби гэсэн шүү. Тиймдээ ч түүнийг зодоонч мисс хэмээн хэвлэлээр бичдэг биз. Гэхдээ тэрбээр боксоор хичээллэдэг гээд хэн нэгнийг гэмтээж бэртээж байсан удаагүй хэмээдэг. Ямартай ч мисс Ж.Энэрэл зодоон хийсэн гэвэл тийм ч их гайхаад байх зүйлгүй хэмээн найз охидууд нь ярьдаг аж.
М.Сонор
Сэтгэгдэл (9)