Амаржаад сар ч бололгүй өндөр өсгийт шилэн оймс өмсөн гарч ирж олныг алмайруулсан мисс Х.Бадамгэрэл ёстой гандан буурахгүй нэгэн. Өнгөрсөн жилийн “Гоёл” наадмын топ өргөмжлөлийг хүртэнэ хэмээн хатуу тэвчээр гаргасан ч түүний зүтгэл талаар болсон. Харин энэ жил үнэхээр бүтэн жилийн турш бэлдэв бололтой тун өнгөлөг, эрч хүчтэй харагдаж байна шүү.
Арваннэгдүгээр сараас эхлэн загварын шоунууд эхэлдэг бөгөөд моделиуд жилийн турш бэлдсэн бэлтгэлийнхээ үр шимийг гаргахаар эрч хүч нь багтаж ядан дүүхэлзэж байна. Х.Бадамгэрэл хэдий топын өргөмжлөл гардаагүй ч өнгөрсөн жил тэрнээс чухал ажил амжуулсан. Миссүүд хоосон толгойтой гэж чичлүүлэхээс зайлсхийсэн үү БХИС-ийн Төрийн захиргаа удирдлагын ангид суралцаж магистрын дипломоо гардаж авсан юм.
Түүний хувьд 38-р сургуулийн Герман, Англи хэлний ангийг дүүргэн, КТМС-д маркетинг менежмэнтийн чиглэлээр бакалаврын зэрэг хамгаалсан билээ. Хэдийгээр бусад шиг хилийн дээс алхаж барууны гялгар диплом өвөрлөн эх орондоо газардаагүй ч нялх хүүхэд, гэр бүлийн амьдрал, агентлагийн нөр их ажлын хажуугаар боломжийг ашиглаж байгаа нь түүний хувийн зохион байгуулалт хэр өндөртэйг харуулж байх шиг.
Хичээнгүй бүсгүй хэдий завгүй ч гэсэн хэзээд сайхан харагддаг янзаараа байна шүү.
Д.Сэргэлэн
Сэтгэгдэл (5)