“Монгол тулгатны 100 эрхэм” нэвтрүүлэг анх цацагдаж, олны анхаарлыг татаж эхэлсэн яг тэр үеэс л найруулагч Б.Баатар эхнэр, хүү хоёроо орхих нь тодорхой болсон гэдгийг мэдэх хүмүүс нь хэлдэг. Жүжигчин Ч.Ундралаас өмнө амьдралтай байсан гэх Б.Баатар том болсон хүү, анхны эхнэрээ бусдаас тас нуудаг. Ч.Ундралын тухайд түүний албан ёсны эхнэр, бага хүүгийнх нь ээж.
Тэгвэл хоёр хүүгээ ээжүүдэд нь даатгаад орхисон найруулагч Б.Баатарын овоо хараанд өртсөн дараагийн хүн бол цагаан хоолны багш П.Анужин. Ер нь бол тэдний амрагийн харилцаа “Монгол тулгатны 100 эрхэм” нэвтрүүлэг нийтэд хүрэхээс өмнө эхэлсэн гэдэг юм билээ. Тэрийг нь мэдээд байсан Ч.Ундрал ч Америк явсан байдаг.
Гэхдээ Б.Баатар, Ч.Ундрал хоёрын хэн нь ч одоог хүртэлт энэ талаар үг унагаагүй. Харин П.Анужин эрс эсэргүүцэж “Надад хүний босгосон амьдрал, мөн миний амьдрал ч асар их үнэ цэнтэй. Бид хоёр хамт амьдраад хаа хаанаа гэр бүл, үр хүүхдээ өнчрүүлсэн явдал ер байхгүй. Бүхий л зүйл байр байрандаа байна” хэмээж байсан. Гэвч ингэж ярьж байсан П.Анужин хоёр охиноо өөр дээрээ авч нөхрөөсөө албан ёсоор өрх тусгаарласан нь батлагдсан юм.
Ийн хоёрын хоёр гэр бүлийн амьдралд цэг тавигдсан ч найруулагч Б.Баатар, П.Анужин хоёр одоо хүртэл хамтдаа. Ер нь хаана ч хамтдаа шүү. Саяхан тун дотно сэлфи авахуулснаа Б.Баатар цахимдаа тавьж, амраглалаа ил зарлав бололтой. Үнэндээ тэд хамтдаа амьдарч, амралтын өдрөөр ч салахгүй, хүнсээ хамт цуглуулаад явж байдаг гэх яриа ч гарна лээ. Ямартай ч тэгээд цаг хугацаа харуулах биз ээ.
М.Сонор
Сэтгэгдэл (15)