Рок попын акулууд “Их 8” гэх сүртэй тодотгол дор нэгдэн тоглосон ч, “Камертон”-чууд тайзнаа гарч ирээгүй билээ. Уг нь тэд оролцохоор ирсэн ч Эба, Ганаа хоёр тайзны ард гар зөрүүлснээр бөөн асуудал дэгдэж, юун тэр тоглолт манатай л юм болж. Монголын шинэ хөгжмийн талбарыг өөрсдийн ялгарал, хичээл зүтгэлээрээ баяжуулан ирсэн “Камертон”-ы хоёр юуны учир гар зөрүүлж, фэнүүдээ хойш тавьсан нь анхаарал татахаар л байгаа юм.
Гэхдээ тэд өмнө нь ч хоорондоо зодоон нүдээн хийж л явсан. Бараг 4 жилийн өмнө Emporia Armani брэндийн нээлт “Central tower”-ын 17 давхарт болох үеэр Эба, Болд хоёр зодолдож дуулиан дэгдээж байсан. Тэгвэл энэ удаа мөнөөх л Эба зодоон хийж. Харин энэ удаа Ганаатайгаа гар зөрүүлж.
Төдийгөөс өдийг хүртэл нэгэн хамтлагийн дээвэр дор явж ирсэн хоёр гишүүний характерын тухайд мэдээж өөр өөрийн онцлогтой. Эба гэхэд зөөлөн харагддаг хэрнээ тийм биш гэдэг бол Ганаагийн тухайд ууж хөлчүүрхсэн үедээ бол ширүүн гэж байгаа. Тэгвэл тэд зодоон хийх үедээ их биш ч гэсэн ууж согтуурхсан байсан гэх.
Хэрэв тийм байсан бол тайзнаа гараагүй нь ч болж байна л даа. Түмний өмнө тайзнаа гарахдаа согтуурхана гэдэг бол доромжлол шүү дээ!
Б.Билэгт
Сэтгэгдэл (9)