Сүүлийн үед цахим ертөнцөд хамгийн их анхаарал татаж буй асуудлуудыг “Tseren Tours” компанийн захирал Э.Цэрэн, “M.A.D Mongolia” компанийн гүйцэтгэх захиарал Ц.Уянга нарын тэмцэл тэргүүлж байна. Тэдний хэрүүлийн алим хуваалцах болсон шалтгаан нь Бүргэдчин охины тухай баримтат киноны гэрээтэй холбоотой. Эцэс сүүлдээ бие бие рүүгээ хувийн шинж чанартайгаар дайрч луйвардсан, залилсан гэх баримтуудаа дэлгэснээр тэдний хэрүүл шүүхээр шийдэгдэх дээрээ тулаад байгаа бололтой.
Өнөөдөр “M.A.D Mongolia” компанийн гүйцэтгэх захиарал Ц.Уянга өөрийн цахим хуудсаараа дамжуулан албан ёсны мэдэгдэл гаргасан байна. Тэрбээр “Мэдэгдэл!!! 6 хоногийн турш тасралтгүйгээр олон нийтийн мэдээллийн хэрэгслээр 16 төрлийн гэмт хэрэгт үндэслэлгүй гүтгэн, нэр төрийг минь эрээ цээргүй гутаан, гэр бүлийг минь доромжилж, бусдаар заналхийлэхэд турхирч, компанийн маань бизнесийн нэр хүндэд санаатайгаар халдаж, энэ бүхнээ 500-гаас дээш хүнд түгээн тараасан Цэрэнгийн ёс зүйгүй, ичгүүргүй үйлдэл хүн ёсны хэм хэмжээнээс хэтрэн, хүний эрхийг зөрчих хязгаараас давсан тул түүний эсрэг хуулийн байгууллагад зохих журмын дагуу гомдол гаргав. Цагдаагийн ажиллагаа тунгалаг бөгөөд шудрага байг!” хэмээн мэдэгдсэн байна.
П.Урнаа
Сэтгэгдэл (4)