Хошин шогийн хамтлаг бүрт нүцгэн биеэ алдаршуулсан нэг нэг бүсгүй бий. Тэдний нэг бол “X- түц” продакшны жүжигчин А.Туяа. Жүжиглэх ур чадвар гэхээсээ илүүтэй гуя хасаа гаргаж, элдэв янзаар аягладаг гэдгээрээ урлагт тэнцсэн мэт харагддаг тэрбээр эротик сэтгүүлийн нүүрэнд нүцгэн залрахдаа таван сая төгрөг авсан гэдэг.
Харин өөрөө тэр талаараа “...Үнэ хөлсийг нь тодорхой хэмжээгээр тохирсон. Миний зургуудыг худалдаж авах хүн олон байгаа юм билээ” хэмээн мэдэгдсэн. Тэгж нүцгэлснээсээ хойш жүжигчин бүсгүй юм л бол эхээс төрсөн биеэрээ олны өмнө үзэгдэх болсон билээ. Ёстой л нөгөө нүцгэн биеийг алдаршуулна гэдэг л болж байгаа. Ямартаа л түүнийг цээж нүцгэн зургуудаа эрчүүдэд худалддаг гэсэн яриа хүртэл гарч байхав.
Тэгээд бас ганц бие түүний зургийг ёоз ёозоор нь уйгагүй авч өгдөг хүмүүс хэн бэ гэдэг асуулт ч бас гарч ирнэ. Орон дотор нь, элдэв янзын эротик хувцас өмсгөж байгаад, тачаангуй позтой зургуудыг нь дарж өгдөг хүн хэн болохыг жүжигчин А.Туяа өөрөө л хэлэх байх даа.
Уг нь жүжигчин дээрээс нь олны танил хүн олон нийтийн газар ер нь хаана ч үг, үйлдлээ хянаж байх ёстой баймаар. Гэтэл манайд бол олны танил бүсгүйчүүд ажил хэргээр ч тэр, хувийн асуудлаар ч тэр, өөрийн хүсэл сонирхлоор ч тэр хүссэн үедээ нүцгэн зургаа авахуулж, дэлгэдэг болж. Жүжигчин, дуучин гэж түмэнд хүндлэгдчихээд эргээд нийгэмдээ эерэг үлгэр дууриалал үзүүлэх ёстой байтал эсрэгээр нь үр хүүхдүүдэд нь муугаар үлгэрлэж л байдаг. Ийм хүмүүст ёсзүйн хариуцлага үүрүүлэхэд яагаад болохгүй гэж.
Хэдийгээр хүний эрх ч гэлээ, олны танил оддыг даган нүцгэлэх хүсэл өсвөр насны охидод ихээр төрж, улмаар хүслээ хэрэгжүүлэн нийгмийн сүлжээгээр нүцгэн зургуудаа цацаж байгаа нь харамсалтай явдал биш гэж үү.
.
М.Сонор
Сэтгэгдэл (28)