“Making the band” шоунаас төрөн гарсан охидын хэд хэдэн хамтлаг бий. Тэгвэл тэдгээр хамтлагуудын нэг болох “Anemone” үүсгэн байгуулагдсан цагаасаа л хэл амны бай болж хэлж, яригдаж ирсэн гэхэд болно. Түүнчлэн тус хамтлагийн ахлагч болсон хэн бүхэн хамтлагаа орхидог уламжлалтай гэхэд болмоор ч юм шиг. Юу гэхээр хамтлагийн ахлагч н.Онон гарсны дараа Х.Жулдиз нь ахлагч болсон ч, мөн л хамтлагаа орхисон.
Уг нь урлагийн тогоонд насаараа чанагдана, үнэнч байна гэх мэт ам тангараг өгч уйлан хайлан байж шалгарч үлдчихээд дургүй хүрсэн үедээ хаяад гардаг зан манайд л байдаг байх даа. Үүнээс харахад бие сэтгэл, оюун бодол нь цэгцрээгүй хэдэн охидыг хүчээр нийлүүлж хамтлаг байгуулж эцэс сүүлд нь тэднээрээ шоуныхаа нэр хүндийг зутан бантантай зууралдуулж байдаг. Харамсалтай л юм.
Хамтлаг болон итгэл хүлээлгэсэн продюссерийнхаа өр лүү өшиглөсөн хүн бол дуучин нэртэй Х.Жулдиз. Тэрбээр хамтлагийнхаа ахлагчийн үүргийг нэг жил хийж байгаад шантарсан уу, урлагт тэнцэхгүй гэдгээ ойлгосон уу. Ямартай ч Солонгосд сурах нэрээр сураг алдарсан. Гэтэл тэрбээр Солонгост биш Монголд байж байна гээч. Байх байхдаа хөлийнхөө улыг эргэтэл дэлгүүр хэсчихсэн явна гээч. Хаана л худалдаа байна тэнд л Х.Жулдиз явж харагдана гэнэ шүү. Хамгийн сүүлд мөн л дэлгүүр хэсэж яваад манай зурагчны дуранд ийн өртсөн байна. Нөгөө хөөрхөн, турьхан Х.Жулдиз биш энгийн нэгэн охин болж хувирсан түүнийг нэлээд жин нэмж өөрчлөгдсөн байгааг та харж байна.
Нэрд гарахын тулд нүцгэлэх эсвэл алдар нэртэй хүнтэй нэр холбогдох арга өнөөгийн охидуудад байна уу гэмээр л анзаарагдах болсон билээ. Тэгвэл энэ хоёр хэцүүхэн аргаас Х.Жулдиз алийг нь сонгосон гээч. Тэр алдар нэртэй хүнтэй учир шалтгаангүй нэр холбогдсон. Өөрөө хүссэн юм уу, аль эсвэл худлаа цуурсан юм уу. Ямартай ч тэрбээр аварга А.Сүхбаттай нэр холбогдож хэсэгтээ шуугиан тарьсан. Тэгээд өөрөө тэрхүү мэдээлэлд хариулт хийж “Би тэр хүнийг чинь таних ч үгүй. Тийм бөх байдгийг ч мэдэхгүй” хэмээн ярьж бүр ч онигоонд ороод авсан. Хариуд нь их аварга “Ядарсан ч нэг муу казак хүүхэнтэй орооцолдохгүй шүү. Тэр одоо дуулдаг юмуу, яадаг юм бэ” гэж хатуухан үг дайгаад явуулсан байдаг. Харин аваргын үнэнч фэнүүд “Аргагүй л дээ. Монгол биш Казак үндэстэн болохоор” хэмээн хэлж яриад ч авсан. Энэ мэтээр Х.Жулдизийн нэр холбогдсон амрагийн сенсааци нэлээд үргэлжилсний эцэст тэрбээр гадагшаа явснаар дуусгавар болсон гэхэд болно.
Уг нь Х.Жулдиз өөрийгөө найз залуугүй гэх үгсийг хаана ч явсан хэлж байдаг. Гэтэл тэрбээр нэгэн залуутай нялуурч яваад мөн нууц дуранд өртсөн удаатай. Үргэлж өөрөө өөрийгөө үгүйсгэж явдаг тэрбээр сурсан зангаараа “найз залуу биш” гэсэн хариулт өгсөн гээд харахаар тэр ч барьцгүй бүсгүй юм даа.
Д.Цэгц
Сэтгэгдэл (14)