Хүний амьдрал гэдэг тааж хэлэхийн аргагүй сонин. Санаанд оромгүй учрал, хагацал, санаанд оромгүй гэнэтийн эргэлт, сонголт хүний амьдралын үүх түүхийг бүрдүүлж, энэхүү үүссэн нөхцөл байдлын дүнд ирээдүйн хувь заяа цаашид хөвөрдөг гэлтэй. Хэн ч олон эхнэр, нөхөр сольж, хүний өөрийн нийлсэн хүүхдүүдтэй болохыг хүсэхгүй. Аль болох л нэг л хүнийг нандигнан хайрлаж, нэг л эцэг эхээс төрсөн халуун бүлийг ертөнцөд үлдээхийг хүсдэг ч хувь заяа, төөрөг тавилан гэдэг тэр бүр санаснаар болдоггүй бололтой.
Тийм л сонин амьдрал, намтар түүхийг туулж яваа эрхмүүдийн нэг бол ХХААХҮ-ийн сайд Х.Баттулга. Нэгэн цагт хар шилний цаана нуугдаж, хөшигний ард амьдарч явсан энэ ноёнтны амьдрал, намтар улс төрд орж ирснээр олонд дэлгэгдсэн ч гэлээ энэ удаад бид түүний анхны хайрын эзэн, анхны гэргий З.Уянга хэмээх бүсгүйг дурандлаа.
Энэ цагт Монголын улс төрийг атгаж буй “Женко” Х.Баттулгын амьдрал, намтар сонирхолтой түүхээр баян. Түүний эрт үеийн амьдралд урлаг, спорт хоёр чухал үүрэг гүйцэтгэсэн бол энэ цагийн амьдрал улс төр, бизнес хоёр голлох үүрэг гүйцэтгэж байгаа гэлтэй.
Дүрслэх урлагийн дунд сургуулийг зураач мэргэжлээр дүүргэж эндээсээ амьдралынхаа анхны алхмуудыг хийж, амраг хайртуудаа сонгож байсан бол спорт түүнд сэтгэлийн хат, хатуужил басхүү бизнесийн гарааг нь эхлүүлжээ. Залуу зандан насандаа поп Сараагаас авахуулаад янаг амрагийн явдлаараа зартай явсан тэрээр насныхаа эцэст орос бүсгүйтэй амьдралаа холбож, олон хөвгүүдийн аав болон, энэхүү амьдралаа өндгөө дарсан тахиа мэт нуусаар ирсэн.
Анжелика хэмээх амрагтай түүний албан ёсны ганц гэргий нь дизайнер Ц.Энхтуяа хэмээх бүсгүй бий. Харин Ц.Энхтуяа хатагтайгаас өмнө амьдрал зохиож, анхны хайр, анхны болзоо, анхны үрийн зулай хүртэл үнэрлэж явсан намтрыг нь тэр бүр хүмүүс мэддэггүй.
ДУДС-ийг дүүргэж хожмоо Суриковын нэрэмжит Уран зургийн академи дүүргэсэн энэ бүсгүйг З.Уянга гэдэг. Оюутан ахуйдаа үерхэж нөхөрлөн, хайрлаж дурлалцаж явсан тэд З.Уянга бүсгүйн ар гэрийнхний ятгалгаар хоёр тийш болж байсан гэдэг. Тодруулбал, З.Уянга бүсгүйн аав ганган Зоригоо хэмээх, дөчин мянгатдаа зартай дэгжин, бэл бэнчин ч зузаан эрхэм байсан бөгөөд гэргий нь мөн л дөчин мянгатын цуутай балетчин Цэрмаа хэмээх бүсгүй.
Социализмын тэр үед л тэрээр хайртай гэргийдээ зориулж 3 давхар хауз барьж, хамгийн дээд давхрыг нь балетын заал болгон тохижуулж өгч байсан гэдэг. Монголын анхны хауз болох энэ байшингийн эзэн Зоригоо амин хайртай ганц охиноо Х.Баттулгатай суулгахгүй хэмээн нэлээн эсэргүүцэж, эцэс сүүлд нь дундаас нь төрсөн хүүхэд нас барахад арга буюу нүдэндээ дүүрэн нулимастай, сэтгэлдээ хайраа тээсээр хоёр тийш болж байсан гэдэг.
Тэр цагаас хойш Х.Баттулга ноёнтон бизнест ханцуй шамалж, мөн сургуулийнхаа эгчмэд бүсгүй болох Ц.Энхтуяа хатагтайтай амьдрал зохиож, хоёр охин, нэг хүүтэй болсон ч гэлээ 90-ээд оны дунд үед халуу шатсан шуугиан тарьсан алдарт 17 чингэлэг спирт, дуулиант Линкольн, поп хатагтайтай хэлхсэн хайрын романсаасаа үүдэлтэй хүүхдүүдийнхээ ээжээс өрх тусгаарлаж, чимээгүйхэн местный орос айлын охин Анжелика хэмээх бүсгүйтэй амьдралаа холбож, 4 ихэр хөвгүүдийн аав болсон билээ.
Харин З.Уянга бүсгүйн тухайд Суриковын нэрэмжит Уран зургийн академийг дүүргэж ирснийхээ дараа Эрдэнэбат хэмээх барилгачин, төмрийн дархан эрхэмтэй амьдралаа холбожээ. “Женко”-гийн Төв аймгийн Эрдэнэ суманд бүтээн байгуулсан Цонжин болдог цогцолборын Түмэн хишигтэн төслийн даргаар ажиллаж, бүхнийг гар бие оролцон хийсэн ноён Эрдэнэбатыг мэргэжилдээ чадамгай, эрийн нуруутай, хүн чанартай нэгэн байдаг хэмээн ойр дотныхон нь ам сайтай байдаг.
Тэгвэл гэргий З.Уянга нь уран зургаа зурахын хажуугаар өдгөө “Блю мүүн” арт галарейн захирлаар ажиллаж байна. Ийн насан залуудаа халуун хайрын түүх хэлхэж явсан тэд өдгөө ч ажил хэргийн шугамаар харилцаа холбоотой байдаг нь аргагүй нандин сэтгэлийн холбоо байсныг нь илтгэх мэт. Гэтэл “Женко” Х.Баттулгын анхны гэргий З.Уянгын зургийг нэг найз нь авч өгөөд цахимаар “зурагаа аваарай З.Уянга” хэмээн явуулсанд түүний зургийг харсан жиргээчид “энэ хүний зураг авахдаа айсангүй юу, зүүдэнд ормоор аймаар харагдаж байна” хэмээн жиргэсэн байна шүү. Харин “Женко” Х.Баттулга анхны хайрын аймшгийн зургийг хараад айсан болов уу яасан бол?
Б.Ялгуун
Сэтгэгдэл (69)