Сайн эзэгтэй Т.Баярзул

Сайхан бие хаа, хөөрхөн царайтай бүхэн алдартай загвар өмсөгч болж чаддаггүй. Хичнээн загварын тайз залуу насны мэргэжил гэдэг ч үнэхээр чадвар, чансаа өндөртэй загвар өмсөгч нар өтөлтөлөө энэ нэрээ хадгалж үлдсэн байдаг. Харин манайдаа цорын ганц загвар өмсөгч, мисс хүн ямар байх ёстойг өөрийн биеэрээ төгс харуулж байгаа хүн бол топ модель Э.Одгэрэл. Хувийн амьдралаа орхигдуулан байж мэргэжилдээ үнэнч, модель нэрээ нэр төртэйгээр авч яваа тэрээр одоо хүртэл залуу охидтой энэ зэрэгцэн тайзнаа гунхаж байна.

Тэгвэл орчин үед өндөр нуруу, хөөрхөн царайтай бүхэн загвар өмсөгч, мисс өргөмжлөлийг өөрөө өөртөө өгсөн юм шиг олширсон байх юм гээч. Тэдэн дундаас өдрийн од шиг чансаа өндөр загвар өмсөгч нар үе үеэрээ байсаар ирсэн. Тэдний нэг бол загвар өмсөгч Т.Баярзул. Гэвч тэрээр загварын багш нарынхаа урмыг хугалж ид мандан бадарч байх үедээ айл гэрийн журамт гэргий болж сураг алдарсан. Үргэлж өндөр өсгийт өмсөөд хувцасны өлгүүр шиг тайзнаа алхахаас зүрх нь халширсан уу Т.Баярзул бизнесмэн эрийн голомтыг сахиж гэрийн мухараас хамраа цухуйлгахгүй удсан. Гэтэл гэнэт олны өмнө гарч ирэхдээ нэг биш нэлээд хэдэн хүүхдийн ээж, журамт гэргий болсон Т.Баярзулын дүрээр гарч ирлээ.

Нөгөө олны нүдийг хужирласан этгээд зүс царайтай сайхан бүсгүй маань танигдахын аргагүй өөрчлөгдөж,  бизнесмэн эрийн эхнэр биш энгийн нэгэн бүсгүй гэмээр харагдаж байх чинь. Уг нь бизнесмэн эрчүүдийн эхнэрүүд гоёж гоодсон, хаана ямар үнэтэй хувцас байна түүнийг цуглуулаад явж харагддаг.

 Харин Т.Баярзул эсрэгээрээ энгийн хувцаслаад хүүхдүүдээ хичээл сургуульд нь зөөсөн эгэл бүсгүйн амьдралаар амьдарч байна. Магадгүй Т.Баярзул нэр алдар гэхээсээ ийм л гэр бүл, ийм л амьдралыг хүсэж, мөрөөдөж байсан байх л даа. Нөхрийнхөө нөмөр нөөлгөнд хүүхдүүдээ харж хүмүүжүүлсэн гэрийн сайн эзэгтэй байх түүний туйлын хүсэл ч байсан байж мэднэ.

Хэрвээ Т.Баярзул загварын ертөнцөд байсан бол топ Э.Одгэрэлээс илүү бүр илүү байх байсан гэж загварынхан ярьцгаадаг. Тэгвэл сайхан бүсгүй маань гурав дахь хүүхдээ өлгийдөж авахаар зэхэж байгаа бөгөөд бие давхар ч хүүхдүүдээ цэцэрлэг сургуульд нь зөөсөн сайн ээжийн үүргээ бүрэн дүүрэн биелүүлсээр. Түүний нөхрийг хэвлэлийн магнат Ц.Балдорж агсны хүү Д.Мөнхтүшиг гэдгийг уншигчид андахгүй мэдэх билээ.

М.Сонор