Гарсан даруйдаа л үзэгчдийг тэр дундаа эрчүүдийг байлдан дагуулсан С1 телевизийн “Өдөн дэр” нэвтрүүлгийн анхны хөтлөгч нь “Ок” савангийн рекламаар анх олонд танигдсан С.Халиунаа хэмээх бүсгүй. Үдэш бүр эротик имижийг харуулах гэж хичээсэн эв хавгүйхэн буйдан дээр хагас нүцгэн хэвтэж секс, гэр бүлийн харилцааны талаар ярьдаг байсан тэрээр гэнэт айл гэрийн журамт гэргий болсон. Секси биш ч гэлээ эвлэг монголжин төрхтэй тэрээр “Өдөн дэр”-ийг хөтөлж байхдаа 90-ээд оны сүүлээр ёстой алдар нь мандаж байсан Швейцарь Отгоогийн гэргий болж хоёр дахь хүүхдийг нь төрүүлэх гэж байна.
Ямартаа л тухайн үеийн хэвлэлийн хуудаснаа “Өдөн дэр”-ийн хөтлөгч уурхайн эзэн, баян халзан эрийн нөмөр нөөлөгт орж хөтлөлцөн гүйх боллоо гэж бичиж байв. Үнэн хэрэгтээ өнөөх халзан эр нь Швейцарь Отгоо бөгөөд “их айл”-аас суллагдсаныхаа дараа дуучин Д.Оюунтүлхүүрийн нөхөр Базараагийн “Алтайн хүдэр” уурхайд хариуцлагатай алба хаших болсон. Баялаг ордтой лиценз эзэмшиж гэнэт л үлгэрийн мэт баяжсан ноён Базар угаас хүн сайтай, тусч нэгэн учраас нэгэн цагт алдаж оносон найздаа эр хүний зангараг зааж байр, машин авч өгөн өгөөмөр загнасан гэдэг. Швейцарь Отгоо ч угийн сэргэлэн, сүйхээтэй, англиар ус цас мэт ярьдаг нь уул уурхайн салбарт тэгтлээ их туршлагагүй Базараад ихээхэн хэрэг болдог гэнэ лээ.
Эр нэг алдаж, эрэг нэг нурдагийн үлгэрээр залуу халуун насандаа алдаж, эндэн “аав”-ын хаалга татсан ч гэлээ их айлаас гармагцаа амьдралд бууж өгөхийн оронд тунчиг хурдан нийгмийн амьдралдаа уусаж, хувь, хувьсгалын ажлаа хэнээс ч дутахгүй авч явж, гялалзаж байгаа нь ёстой эрийн шийртэйнх гэлтэй. Тэгэх тэгэхдээ эротик имижээр мэргэжлийн орон зайгаа тодорхойлсон монголжин бүсгүйтэй дэр нэгтгэж, тун удахгүй хоёр дахь үрийнхээ зулай үнэрлэх гэж байгаа Швейцарь Отгоод баяр хүргэе.
М.Сонор
Сэтгэгдэл (33)