ШӨХТГ-аас Сангийн сайд Ч.Улааныг төрийн өмчит их дээд сургуулиудын захирлуудад санхүүгийн үйлчилгээгээ Төрийн банкнаас түлхүү авах, тус банкинд эх үүсвэрийн хэмжээг нэмэгдүүлэх чиглэл өгсөн байна. Энэхүү үүрэг чиглэл нь өрсөлдөөний тухай хуулийн 13 дугаар зүйлийн 13.2-т заасан “Төрийн захиргааны байгууллага, нутгийн өөрөө удирдах болон нутгийн захиргааны байгууллага хуульд зааснаас бусад тохиолдолд дараах үйл ажиллагаа явуулахыг хориглоно, 13.2.1 Аж ахуй эрхлэгчийг тодорхой төрлийн үйл ажиллагаа явуулах, бараа бүтээгдэхүүн үйлдвэрлэх, борлуулахыг хориглосон буюу хязгаарласан, 13.2.7 аль нэг аж ахуй эрхлэгчид давуу байдал олгоход чиглэсэн үйл ажиллагаа явуулахыг хориглоно” гэсэн зуултуудыг тус тус зөрчсөн болох нь тогтоогдож 960 мянган төгрөгөөр торгох шийдвэр гаргаад байсан. Тэгвэл Сангийн сайд Ч.Улаан өөрийн гаргасан шийдвэрийг хууль бус байсныг хүлээн зөвшөөрч тус газраас оногдуулсан торгуулийг төлсөн байна.
Г.Бөртэ
Сэтгэгдэл байхгүй байна