"UBS" телевизийн "Universe Best Songs" наадмаас төрөн гарч олны танил болсон залуу дуучдын нэг бол А.Хишигдалай. Анх алиман улаан хацартай хөдөөний хөөрхөн охин байсан түүнийг шүүгчид “ямар хөөрхөн улаан хацартай охин бэ?” хэмээн өхөөрдөж байсан нь саяхан. Шүүгч нараараа багагүй шүүмжлүүлж, загнуулж байсан улаан хацартай охин өдгөө эрс өөрчлөгдөж сүүлийн үеийн жүжиг, киноны дуунуудыг алгасахгүй дуулж байна. Хаана шинэ кино, жүжиг нээлтээ хийнэ тэнд дуучин А.Хишигдалай явж харагдах юм.
Өндөр өсгийт өмсөж, өмд цамцнаас салдаггүй байсан дуучин А.Хишигдалай нэгэнтээ "Би нүүрээ буддаггүй, жийнс, кэтнээс салдаггүй охин байлаа.Тэр цагаас хойш олон жил өнгөрч одоо нүүрээ будаж, эмэгтэйлэг харагдахын тулд гадаад байдалдаа анхаарна” хэмээн өөрөө өөртөө ам тангараг өгсөн гэдэг.
Бүр арван жил нэг ширээнд сууж байсан ангийн анд нь “Хишигээг ингэж өөрчлөгдөнө гэж яаж мэдэх билээ. Улаан хацартай, онигор нүдтэй, царай муутай шар охин байсан. Мөнгө байхад гоо сайхныг хүртэл худалдаж авдаг болж дээ” гэж ярьсан гэдэг. Гэвч хүний хичээл зүтгэл, чармайлт байхад бусад бүх юм болно гэх зарчмыг дуучин А.Хишигдалай бүрэн дагасан гэлтэй бүх талаараа богино хугацаанд танигдахын аргагүй өөрчлөгдсөн шүү .
Ямартай ч тэрээр гадаад гоо сайхандаа өөрчлөлт хийсэн ч гэлээ эмэгтэйлэг харагдана гээд арай хэтрүүлсэн бололтой. Томдсон шар сандаал дээр богино даашинз өмссөн А.Хишигдалайг энэ хувцаслалт нь тийм ч эмэгтэйлэг харагдуулахгүй л байна.
Нэгэнт олны танил болж олон нийтийн өмнө гарч дуулж байгаа тохиолдолд өмссөн хувцас, биеэ авч явах соёл дээр ихээхэн анхаарах ёстой гэсэн бичигдээгүй хууль байдаг шүү дээ, А.Хишигдалай минь ээ. Магадгүй өдөр бүр шахуу кино, жүжгийн нээлт, хурим найранд уригдаад байгаа болохоор яарч сандраад эгч, ээжийнхээ сандаалыг андуураад өмсчихсөн байж мэдэх юм.
М.Сонор
Сэтгэгдэл (23)