Цаг үеэ мэдэрч чөлөөтэй мөртлөө энгийн танин мэдэхүйн мэдээлэл түлхүү өгдөг, сонирхолтой баримтат нэвтрүүлгээрээ олноо хайрлагдаж хүндлэгдсэн МҮОНТ-ийн “Гараг” продакшны захирал, түүхч, сэтгүүлч Г.Бадамсамбууг Монголд танихгүй хүн үгүй. МУИС-ийг түүхч мэргэжлээр дүүргэсэн ч сэтгүүлзүйд гялалзсан карьер хөөж яваа энэ ноёнтонг ММ агентлагийн “загалмайлсан эцэг” хэмээн хүрээнийхэн нь тодорхойлдог нь тэрээр тус агентлагийг үүсгэн байгуулагчдын нэг юм. Монгол төдийгүй дэлхийн үзэсгэлэнт газар орнуудоор аялахаараа нэг болсон түүнийг саравчтай малгай, үүргэвчтэй цүнх хоёргүйгээр төсөөлөхөд бэрх. Ийн аялахдаа тэрээр арслан цуглуулсаар хэдэн сүрэг арслантай болсон юм байх. Энэ нь зүгээр ч нэг хобби бус сүсэг бишрэл, билэгдлийн агуулгатай аж. Өөрөө их зөөлөн хүн учраас энэ сул талаа нөхөхийн тулд араатны хаан арсланг цуглуулж, эр хүний хат, сүр хүчээ зузаатгадаг байна.
М.Сонор
Сэтгэгдэл (1)