БНХАУ-ын Төрийн тэргүүн Си Зиньпин өмнө нь Их Британид суугаа Хятадын Элчин сайд Кэ Линлиний охинтой гэр бүл зохиож байсан ч, таарч тохирохгүйн улмаас хоёр тийшээ болсон гэдэг. Тэгээд одоогийн эхнэр Пөн Ли Юаньтай гэр бүл болсон. Пөн Ли Юань урьд нь ансамблийн хамтаар Хятад даяар аялан тоглолт хийн явдаг, ардын дуу дуулаач гэдгээрээ алдартай нэгэн. Өрнөдийн хэвлэлүүдэд түүнийг хошууч, генерал цолтой гэж их бичдэг. Тус улсын өмнөх удирдагчдын эхнэр нь эртний уламжлалын дагуу нөхрийнхөө сүүдэрт байж даруухан чимээгүй амьдардаг байжээ. Харин тэрбээр энэ уламжлалыг эвдсэн.
Бараг нөхрөөсөө илүү дэлхий нийтийн анхааралд байх болсон тэргүүн хатагтай Пөн Ли Юаний хувцаслалт, биеэ авч яваа байдал нь эрхэмсэг. Тэгвэл түүнийг Ерөнхий сайд Н.Алтанхуягийн гэргий Х.Сэлэнгээтэй харьцуулж харсан байх юм. Юу гэхээр тэдний хувцас, дээлийн зах ижил байсан нь олны нүдэнд эрхгүй өртөж таарав.
Хошигноод хэлчихэд, манай Ерөнхий сайд Си даргыг өндрөөрөө гүйцэхгүй ч, гэргий Х.Сэлэнгээ нь нуруу туруу сайтайн хувьд нүүр тахалж харагдсан шүү.
Г.Бөртэ
Сэтгэгдэл (11)