Үе мултарсан нөхөр, хөөрхөн хүүтэй болсноосоо хойш олны анхаарлыг ихэд татаж хэвлэлийн баатар нэг хэсэг болсон жүжигчин Б.Хулан сүүлийн үед олон нийтийн үйл ажиллагаанд их оролцох болж. Хүнтэй сууж айл гэрийн эзэгтэй болоод уран бүтээлдээ эргэн орсон Б.Хулан хошин урлагтаа, хамтлагтаа эргэж ирсэнгүй. Өөрийн хүсэл сонирхлоор дэлгэцийн уран бүтээлд илүү түлхүү оролцож байгаа билээ.
Хувийн амьдрал нь сонин хачин ихтэй түүний арын албыг даадаг хүн нь нөхрөөс нь гадна эгч Б.Халиун нь юм. Ер нь бол дүүгээсээ дутахааргүй хувийн уран бүтээл хийдэг Б.Халиун дүүдээ төдийгүй хавь ойрынхоо найз нөхдийнхөө хувцаслалт, имиж тал дээр үнэтэй зөвөлгөө өгдөг нэгэн. Дүүгээ энд тэндхийн элдэв олон арга хэмжээнүүдэд оролцох бүрт хувцсыг нь сонгож, стиль имижийг нь бүрдүүлж өгдөг тэрбээр заримдаа өөрийнхөө өмсөж явсан даашинзаа хүртэл тайлаад өгдөг бололтой.
Энэ зун л гэхэд эгч дүү хоёр дараалан болсон үйл ажиллагаануудад оролцохдоо нэг даашинзыг хоёулаа ээлжлэн өмссөн байна. Аргагүй бие биедээ хайртай эгч дүүс гэж үүнийг л хэлэх байх даа. Холливуудад Ким Кардашиен ээжтэйгээ хувцсаа хуваалцаж өмсдөг бол манайд Б.Халиун, Б.Хулан нар хувцсаа ийн эв найртайгаар хуваалцаж өмсдөг болж таарч байна.
М.Сонор
Сэтгэгдэл (21)